986 കുതിരശക്​തിയുമായി ഫെരാരി എസ്​.എഫ്​ 90 സ്​പൈഡർ

കോവിഡ്​ 19 വൈറസ്​ ബാധയെ തുടർന്ന്​ അടച്ചിട്ട മാരനെല്ലോ പ്ലാൻറ്​ തുറക്കു​​േമ്പാൾ സൂപ്പർ കാർ എസ്​.എഫ്​ 90 സ്​പൈഡ റിൻെറ പുതിയ വകഭേദം നിർമ്മാണം ആരംഭിക്കുമെന്ന സൂചനകൾ നൽകി ഫെരാരി. വാഹനം ടെസ്​റ്റ്​ ചെയ്യുന്നതിൻെറ ചിത്രങ്ങൾ പു റത്ത്​ വന്നതോടെയാണ്​ ഇതുമായി ബന്ധപ്പെട്ട അഭ്യൂഹങ്ങൾ ശക്​തമായത്​.

സി ആകൃതിയിലുള്ള ഹെഡ്​ലാമ്പുമായി കൺവർട്ടബിൾ കൂപേയായിട്ടാണ്​ എസ്​.എഫ്​ 90 സ്​പൈഡർ എത്തുന്നത്​. ഷാർക്​ ഫിൻ ആൻറിനയുടെ അഭാവമാണ്​ കൺവർട്ടബിൾ മോഡലാണെന്ന്​ വ്യക്​തമാകാൻ കാരണം. പിൻവശത്ത്​ ഇരട്ട പുകകുഴലുകൾ നൽകിയിട്ടുണ്ട്​. വലത്​ വശത്ത്​ ഡോറിന്​ പിന്നിലായി എയർ സ്​കൂപ്പും ഉൾക്കൊള്ളിച്ചിട്ടുണ്ട്​.

986 ബി.എച്ച്​.പി കരുത്ത്​ പകരുന്ന വി 8 എൻജിനാണ്​ ഉൾപ്പെടുത്തിയിരിക്കുന്നത്​. ഇലക്​ട്രിക്​ മോ​ട്ടോ​റും ഒപ്പമുണ്ട്​. 2.5 സെക്കൻഡിൽ 100 കിലോ മീറ്റർ വേഗത കൈവരിക്കും. മണിക്കൂറിൽ 340 കിലോമീറ്ററാണ്​ പരമാവധി വേഗത. ഇലക്​ട്രിക്​ മോ​ട്ടോർ മാത്രം ഉപയോഗിച്ച്​ 25 കിലോ മീറ്റർ ദൂരം 130 കിലോ മീറ്റർ വേഗതയിൽ സഞ്ചരിക്കാൻ കഴിയും. 2021ൽ എസ്​.എഫ്​ 90 സ്​പൈഡർ വിപണിയിലെത്തുമെന്നാണ്​ പ്രതീക്ഷ.