നിരവധി മാറ്റങ്ങളുമായി ടോൾബോയ്​ ഡിസൈനിൽ പുതിയ വാഗണർ

 ടോൾബോയ്​ ഡിസൈനിൽ നിരവധി മാറ്റങ്ങളുമായി മാരുതി സുസുക്കിയുടെ വാഗണർ ജപ്പാനിൽ പുറത്തിറങ്ങി. വാഗണർ, വാഗണർ സ്​റ്റിങ്​റേ മോഡലുകളാണ്​ജാപ്പനീസ്​ വിപണിയിൽ  പുറത്തിറക്കിയിരിക്കുന്നത്​. വൈകാതെ തന്നെ ഇരു കാറുകളും ഇന്ത്യൻ വിപണിയിലും  എത്തുമെന്നാണ്​​  റിപ്പോർട്ടുകൾ.

ടോൾബോയ് ബോക്​സി പ്രൊഫൈൽ​ ഡിസൈനിൽ കമ്പനി മാറ്റങ്ങളൊന്നും വരുത്തിയിട്ടില്ല.  ഗ്രില്ലിലെ ​ക്രോമി​െൻറ സാന്നിധ്യവും ചതുരാകൃതിയിലുള്ള ഹെഡ്​ലൈറ്റുമാണ്​ വാഗണറി​െൻറ മുൻ വശത്തെ പ്രധാന പ്രത്യേകതകൾ. ബോണറ്റ്​ ഒന്നു കൂടി ചെറുതായിരിക്കുന്നു. ആരെയും ആകർഷിക്കുന്ന തരത്തിലാണ്​ എയർഡാമി​െൻറ ഡിസൈൻ. സ്​റ്റിങ്​റേയിലേക്ക്​ വന്നാൽ കുറച്ച്​ കൂടി എഡ്​ജിയായ ഡിസൈനാണ്​ ബോണറ്റിന്​​. രണ്ട്​ ഭാഗങ്ങളിലായാണ്​ ​ഗ്രില്ല്​. മസിൽ ലുക്കിലുള്ള ബംബർ, വെർട്ടിക്കൽ ഫോഗ്​ ലാമ്പുകൾ എന്നിവയാണ്​ മറ്റ്​ പ്രത്യേകതകൾ. 

ഇരു കാറുകളിലും ബി പില്ലറുകൾ വീതി കൂടിയതാണ്​. ബംബറിനോട്​ ചേർന്നാണ്​ ടെയിൽ ലൈറ്റ്​ നൽകിയിരിക്കുന്നത്​. വാഗണറി​െൻറ ബോഡിയുടെ നിറത്തിലുള്ള ഡോർ ഹാൻഡിലുകളാണ്​ നൽകിയിരിക്കുന്നത്​. എന്നാൽ സ്​റ്റിങ്​റേയിലെത്തു​േമ്പാൾ ഡോർ ഹാൻഡിലിന്​ ക്രോം ഫിനിഷിങ്​ നൽകാൻ മാരുതി ശ്രദ്ധിച്ചിട്ടുണ്ട്​.

ഇൻറീരയിറിൽ പുതിയ ഡിസൈനിൽ ഒരുക്കിയ ഡാഷ്​ബോർഡാണ്​ പ്രധാന പ്രത്യേകത. ഡാഷ്​ബോർഡിന്​ നടുവിലായി ടച്ച്​ സ്​ക്രീൻ ഇൻഫോടെയിൻമെൻറ്​ സിസ്​റ്റം നൽകിയിരിക്കുന്നു. അതിന്​ തൊട്ട്​ താഴെയായിട്ടാണ്​ ഗിയർ ലിവറി​െൻറ സ്ഥാനം. 660 സിസി പെട്രോൾ എഞ്ചിൻ 51 ബിച്ച്​പി കരുത്തും 60എൻഎം ടോർക്കുമാണ്​ നൽകുക. 66 ബിഎച്ച്​പി കരുത്തും 98 എൻഎം ടോർക്കും പകരുന്നതാണ്​ സ്​റ്റിങ്​റേയുടെ എഞ്ചിൻ. ഇന്ത്യയിലെ ചെറു ഹാച്ചുകളുടെ സെഗ്​മെൻറിൽ തരംഗം തീർക്കാനാണ്​ വാഗണറി​െൻറ ഇരു മോഡലുകളുമായി കളത്തിലെത്തുന്നതില​ൂടെ മാരുതി ലക്ഷ്യം വെക്കുന്നത്​.