മരാസോയെ പൂട്ടാൻ എർട്ടിഗയുടെ രണ്ടാം തലമുറ

ന്യൂഡൽഹി: ഇന്ത്യൻ എം.പി.വി വിപണിയിൽ പുതിയ ചർച്ചകൾക്കാണ്​ മഹീന്ദ്രയുടെ മരാസോ തുടക്കം കുറിച്ചത്​. നിലവിലെ വിപണിയിലെ വമ്പൻമാരെയെല്ലാം വെല്ലുവിളിക്കാൻ പോന്നവനാണ്​ മരസോ എന്നതാണ്​ വാഹന നിർമാതാക്കളുടെ വിലയിരുത്തൽ. മരാസോയെത്തു​േമ്പാൾ അടിതെറ്റുമെന്ന പ്രവചിക്കപ്പെട്ട മോഡലുകളിൽ ഒന്നാം സ്ഥാനത്തുണ്ടായിരുന്നത്​ എർട്ടിഗയാണ്​. ഇപ്പോൾ ഇൗ തിരിച്ചടി മുന്നിൽകണ്ട്​ കരുക്കൾ നീക്കിയിരിക്കുകയാണ്​ മാരുതി. എർട്ടിഗയുടെ രണ്ടാം തലമുറ പതിപ്പ്​ പുറത്തിറക്കിയാണ്​ വിപണിയിൽ മാരുതി ആധിപത്യം നേടാൻ ശ്രമിക്കുന്നത്​. ദീപാവലി, ദസ്​റ ആഘോഷങ്ങൾക്ക്​ മുന്നോടിയായാണ്​ മാരുതി മോഡൽ പുറത്തിറക്കിയത്​.

പുതുമയേറിയ ഫ്രണ്ട്​ ലുക്കാണ്​ മാരുതി എർട്ടിഗക്ക്​ നൽകിയിരിക്കുന്നത്​. ക്രോം ഇൻസേർ​േട്ടാടുകൂടിയ ഗ്രിൽ, പ്രൊജക്​ടർ ഹെഡ്​ലാമ്പ്​, ഫോഗ്​ലാമ്പ്​ എന്നിവയെല്ലാം പ്രീമിയം ലുക്കിലാണ്​ എർട്ടിഗയിൽ അണിയിച്ചൊരുക്കിയിരിക്കുന്നത്​. വശങ്ങളിൽ ഫ്ലോട്ടിങ്​ റൂഫ്​ ​ഡിസൈനാണ്​​. അലോയ്​ വീലുകളിലും മാറ്റം കാണാം. പിൻവശത്ത്​ എൽ ആകൃതിയിലുള്ള ടെയിൽ ലൈറ്റ്​ ക്ലസ്​റ്റർ, ബൂട്ടിലെ ക്രോം സ്ട്രിപ്പ്​, മസ്​ക്യുലർ ബംബർ എന്നിവയെല്ലാമാണ്​ പിന്നിലെ പ്രധാന പ്രത്യേകതകൾ. ഇൻറീരിയറിൽ ടച്ച്​ സ്​ക്രീൻ ഇൻഫോടെയിൻമ​െൻറ്​ സിസ്​റ്റം, മുന്തിയ ഇനം സീറ്റ്​ അപ്​ഹോളിസ്​റ്ററി എന്നിവയും ഉണ്ട്​.

സിയാസിൽ കണ്ട അതേ 1.5 ലിറ്റർ പെട്രോൾ എൻജിനാണ്​ പുതിയ എർട്ടിഗയിൽ. 1.3 ലിറ്ററി​​െൻറ പഴയ ഡീസൽ എൻജിൻ തന്നെയാണ്​ രണ്ടാം തലമുറ എർട്ടിഗയിലും പിന്തുടരുന്നത്​. മാനുവൽ ഒാ​േട്ടാമാറ്റിക്​ ട്രാൻസ്​മിഷനുകളിൽ പുതിയ എർട്ടിഗ വിപണിയിലെത്തും.