എർട്ടിഗ കൂടുതൽ സ്​പോർട്ടിയാവുന്നു; ജി.ടി പതിപ്പുമായി മാരുതി

എം.പി.വി എർട്ടിഗയുടെ സ്​പോർട്ടി പതിപ്പ്​ മാരുതി പുറത്തിറക്കുന്നു. എർട്ടിഗ ജി.ടിയെന്നാണ്​ പുതിയ പതിപ്പി​​​െ ൻറ പേര്​. ഇന്തോനേഷ്യൻ വിപണിയിലാണ്​ എർട്ടിഗ സ്​പോർട്ടിയായി അവതരിക്കുക. ഇന്ത്യൻ വിപണിയിലേക്ക്​ സ്​പോർട്ടി എ ർട്ടിഗ എത്തുമോയെന്ന കാര്യം വ്യക്​തമല്ല. മാർച്ച്​ 22നാണ്​ മോഡൽ ഇന്തോനേഷ്യൻ വിപണിയിൽ പുറത്തിറങ്ങുക. എന്നാൽ, ഇന്ത്യൻ വിപണിയിൽ മോഡൽ എപ്പോൾ പുറത്തിറങ്ങുമോയെന്ന്​ മാരുതി വ്യക്​തമാക്കിയിട്ടില്ല.

പൂർണമായും ബ്ലാക്ക്​ തീമിലാണ്​ എർട്ടിഗ ജി.ടിയുടെ ഡിസൈൻ മാരുതി നിർവഹിച്ചിരിക്കുന്നത്​.​ ​ക്രോമിൽ പൊതിഞ്ഞ ഗ്രില്ലിന്​ പകരം ബ്ലാക്കിലാണ്​ ഇക്കുറി എർട്ടിഗയുടെ ഗ്രിൽ. ബംപറി​​​െൻറ ഡിസൈനിലും മാറ്റമുണ്ട്​. സൈഡ്​ സ്​കേർട്ടുകൾ, റിയർ ബംബറിൽ ഡിഫ്യൂസർ ഫോക്​സ്,​ റൂഫ്​ മൗണ്ടഡ്​ റിയർസ്​പോയിലർ എന്നിവ നൽകിയിട്ടുണ്ട്​. കറുത്ത നിറത്തിൽ തന്നെയാണ്​ ​അലോയ്​ വീലും.

ഇൻറീരിയറിൽ മൾട്ടിഫംങ്​ഷണൽ സ്​റ്റിയറിങ്​ വീൽ, ബ്ലാക്ക്​ ഫിനിഷിലുള്ള ഡാഷ്​ബോർഡ്​, സീറ്റുകൾ, ടച്ച്​ സ്​ക്രീൻ ഇൻഫോടെയിൻമ​​െൻറ്​ സിസ്​റ്റം, ക്ലൈമറ്റ്​ കം​ൺട്രോൾ തുടങ്ങിയവയാണ് സവിശേഷതകൾ. ഡ്യുവൽ എയർബാഗുകൾ,സീറ്റ്​ബെൽറ്റ്​ റിമൈൻഡർ, എ.ബി.എസ്​, ഇ.ബി.ഡി, ബ്രേക്ക്​ അസിസ്​റ്റ്​ തുടങ്ങിയവയാണ്​ സുരക്ഷാ സംവിധാനങ്ങൾ.1.5 ലിറ്റർ പെട്രോൾ എൻജിനും 1.3 ലിറ്റർ ഡീസൽ എൻജിനുമാണ്​ എർട്ടിഗയിലുണ്ടാവുക.