ചെറു എസ്​.യു.വികളെ വിറപ്പിക്കാൻ ടി-ക്രോസ്​ എത്തുന്നു

നിരവധി ടീസറുകൾക്ക്​ ശേഷം ഒടുവിൽ എസ്​.യു.വി ടി-ക്രോസിനെ ഒൗദ്യോഗികമായി അവതരിപ്പിച്ച്​ ഫോക്​സ്​വാഗൺ. ആംസ്​റ ്റർഡാമിൽ നടന്ന ചടങ്ങിലാണ്​ കാർ പുറത്തിറക്കിയത്​. ഫോക്​സ്​വാഗൺ ടി-റോക്കിന്​ താഴെ വരുന്ന എസ്​.യു.വിയാണ്​ ടി-ക്രോസ്​. കമ്പനി ലൈൻ അപ്പിലെ ഏറ്റവും ചെറിയ എസ്​.യു.വി കൂടിയാണിത്​. രണ്ട്​ വേർഷനുകളിലായിരിക്കും ടി-ക്രോസ്​ വിപണിയിലെത്തുക. യുറോപ്യൻ വിപണിക്കായ്​ നീളം കുറഞ്ഞ ഒരു വേരിയൻറും ഇന്ത്യയുൾപ്പടെ മറ്റ്​ രാജ്യങ്ങൾക്കായി കൂടുതൽ നീളമുള്ള ടി-ക്രോസും ഫോക്​സ്​വാഗൺ പുറത്തിറക്കും.

4.11 മീറ്റർ നീളത്തിലായിരിക്കും യുറോപ്യൻ വിപണിയിൽ ടി-ക്രോസ്​ എത്തുക. മറ്റ്​ വിപണികളി​ലെ നീളം 4.19 മീറ്ററായിരിക്കും. മികച്ച ലെഗ്​സ്​പേസും ബൂട്ട്​ സ്​പേസും നൽകുന്നതായിരിക്കും പുതിയ മോഡലെന്ന്​ ഫോക്​സ്​വാഗൺ വ്യക്​തമാക്കിയിട്ടുണ്ട്​. വലിയ ഗ്രില്ലും ഹെഡ്​ലൈറ്റുമാണ് മുൻവശത്തെ​ പ്രധാന പ്രത്യേകത. ​ഗ്രില്ലിന്​ താഴെ ക്രോം ലൈൻ നൽകിയിരിക്കുന്നു. ബ്ലാക്ക്​ ക്ലാഡിങും അലുമിനിയം പാനലുകളും ​വാഹനത്തി​​െൻറ ദൃശ്യഭംഗി വർധിപ്പിക്കുന്നുണ്ട്​. എൽ.ഇ.ഡി ടെയിൽലൈറ്റുകൾക്കിടയിലെ ഹോറിസോണ്ടൽ ബാറാണ്​ പിൻവശത്തെ സവിശേഷത.

ഫോക്​സ്​വാഗ​​െൻറ തനത്​ സ്​റ്റൈലിൽ തന്നെയാണ്​ ഇൻറീരിയർ അണിയിച്ചൊരുക്കിയിരിക്കുന്നത്​. 10.2 ഡിജിറ്റൽ ഇൻസ്​ട്രുമെ​േൻറഷൻ കൺസോൾ, പാർക്ക്​ അസിസ്​റ്റ്​, 8.0 ഇഞ്ച്​ ടച്ച്​ സ്​ക്രീൻ ഇൻഫോടെയിൻമ​െൻറ്​ സിസ്​റ്റം, പാനരോമിക്​ സൺറൂഫ്​ തുടങ്ങിയ സംവിധാനങ്ങളെല്ലാം കാറിൽ ഉൾപ്പെടുത്തിയിട്ടുണ്ട്​.

94 ബി.എച്ച്​.പി കരുത്ത്​ നൽകുന്ന 1.0 ലിറ്റർ ടർബോചാർജഡ്​ ത്രീ സിലിണ്ടർ എൻജിൻ ഒാപ്​ഷനിലാവും ടി-ക്രോസ്​ വിപണിയിലെത്തുക. 1.6 ലിറ്റർ ടർബോ ഡീസൽ ഫോർ സിലിണ്ടർ എൻജിനും ടി-ക്രോസിലുണ്ടാകും. അഞ്ച്​ സ്​പീഡ്​ മാനുവൽ ഗിയർബോക്​സിലും ഏഴ്​ സ്​പീഡ്​ ഡ്യുവൽ ക്ലച്ച്​ ഒാ​േട്ടാമാറ്റിക്​ ട്രാൻസ്​മിഷനിലും മോഡൽ വിപണിയിലെത്തും. മുഴുവൻ വേരിയൻറുകളും ഫ്രണ്ട്​ വീൽ ഡ്രൈവായിരിക്കും. 2020ൽ ടി-ക്രോസ്​ ഇന്ത്യൻ വിപണിയിലെത്തുമെന്നാണ്​ സൂചന. ഹ്യുണ്ടായ്​ ക്രേറ്റ, നിസാൻ കിക്​സ്​, റെനോ ഡസ്​റ്റർ എന്നിവക്കാവും ടി-ക്രോസ്​ വെല്ലുവിളി ഉയർത്തുക.