ഇരുപതാം വാർഷികത്തിൽ  സാൻട്രോ വീണ്ടുമെത്തും

മുംബൈ: 1998 സെപ്​തംബർ 23നായിരുന്നു കാർ നിർമാതാക്കളായ ഹ്യൂണ്ടായ്​ സാൻട്രോയെ വിപണിയിലിറക്കിയത്​. പുറത്ത്​ വരുന്ന റിപ്പോർട്ടുകളനുസരിച്ച്​ 1998ൽ പുറത്തിറങ്ങിയ സാൻട്രോ 20 വർഷങ്ങൾക്ക്​ ശേഷം അതേ തീയതിൽ വീണ്ടും അവതരിക്കുന്നു. 16 വർഷങ്ങൾക്ക്​ മുമ്പ്​ 2014ലായിരുന്നു സാൻട്രോ ഇന്ത്യൻ വിപണിയിൽ നിന്ന്​ പടിയിറങ്ങിയത്​.

ഹ്യൂണ്ടായ്​ പിൻവലിച്ച ​െഎ.10ന്​ പകരക്കാരനായാവും പുതിയ സാൻട്രോ​യെത്തുക. പഴയ സാൻട്രോയുമായി പുതിയതിന്​ സാദൃശ്യമൊന്നും ഉണ്ടാവില്ലെന്നാണ്​ റിപ്പോർട്ടുകൾ. മോഡലി​േൻറതായി പുറത്തുവന്ന ചിത്രങ്ങളിൽ നിന്ന്​ വ്യക്​തമാക്കുന്നത്​ ഇതാണ്​ ​. എ.എച്ച്​2 എന്ന കോഡ്​ നാമത്തിലാണ്​ പുതിയ സാൻട്രോ ഹ്യൂണ്ടായ്​ അണിയിച്ചൊരുക്കുന്നത്​.

1.1 ലിറ്റർ 4 സിലിണ്ടർ എൻജിനാവും  സാൻട്രോക്ക്​ കരുത്ത്​ പകരുക. 70 ബി.എച്ച്​.പിയാണ്​ ​വാഹനത്തിൽ നിന്ന്​ ലഭിക്കുന്ന പരമാവധി പവർ. അഞ്ച്​ സ്​പീഡ്​ മാനുവൽ ആൻഡ്​ ഒാ​​േട്ടാമാറ്റിക്​ ട്രാൻസ്​മിഷനുമായാവും സാൻട്രോ വിപണിയിലെത്തുക. ​െഎ10നെക്കാൾ വലുതും ഗ്രാൻഡ്​ ​െഎ10നേക്കാൾ ചെറുതുമായിരിക്കും പുതിയ മോഡൽ. ടച്ച്​ സ്​ക്രീൻ ഇൻഫോടെയിൻമ​​െൻറ്​ സിസ്​റ്റം സാൻട്രോയുടെ ഉയർന്ന വകഭേദത്തിൽ ഹ്യൂണ്ടായി നൽകിയേക്കാം. സുരക്ഷക്കായി രണ്ട്​ എയർബാഗുകളും എ.ബി.എസും ഉൾപ്പെടുത്തിയേക്കും.