ഷെവർലെ വിട വാങ്ങു​േമ്പാൾ

ഇൗ വർഷം അവസാനത്തോടെ ലോകത്തിലെ മുൻനിര ബ്രാൻഡുകളിലൊന്നായ ജനറൽ മോ​േട്ടാഴ്​സ്​ ഇന്ത്യയിലെ വിൽപ്പന നിർത്തുകയാണ്​. നിലവിൽ ഷെവർലെ എന്ന ബ്രാൻഡിന്​ കീഴിലാണ്​ ജനറൽ മോ​േട്ടാഴ്​സ്​ ഇന്ത്യയിൽ കാറുകൾ നിർമ്മിക്കുന്നത്​. ഷെവർലെയുടെ വിടവാങ്ങൽ ഇന്ത്യൻ കാർ വിപണിയിൽ  എന്ത്​ മാറ്റമാണ്​ ഉണ്ടാക്കുകയെന്നതാണ്​ എല്ലാവരും ഉറ്റുനോക്കുന്നത്​.

വിൽപ്പനാനന്തര സേവനം
ഷെവർലേ വിപണിയിൽ നിന്ന്​ പിൻമാറു​േമ്പാൾ ഏറ്റവും കൂടുതൽ ആശങ്ക ഉപഭോക്​താകൾക്ക്​ തന്നെയാണ്​. കാറുകളുടെ സർവീസിങ്​ ഉൾ​പ്പടെയുള്ള കാര്യങ്ങൾക്കായി ഇനി ആരെ ആശ്രയിക്കുമെന്നതാണ്​അവരെ അലട്ടുന്ന കാര്യം. എന്നാൽ കാറുകളുടെ വിൽപ്പന നിർത്തിയാലും വിദ്​ഗധരായ മെക്കാനിക്കുകളെ ഉപയോഗിച്ച്​ സർവീസ്​ സ​​െൻററുകൾ തുടരുമെന്നാണ്​ കമ്പനി അറിയിക്കുന്നത്​. എന്നാൽ പ്രമുഖ നഗരങ്ങളിൽ മാത്രമാവും സർവീസ്​ സ​​െൻററുകളുടെ സേവനം ലഭിക്കുകയെന്നും വാർത്തകളുണ്ട്​.

സ്​പെയർ പാർട്ടുകൾ
സ്​പെയർ പാർട്ടുകൾ ലഭ്യതയാണ്​ മറ്റൊരു പ്രധാന പ്രശ്​നമായി ഉയർന്ന്​ വന്നിട്ടുള്ളത്​. കാറുകളുടെ വിൽപ്പന്ന നിർത്തുന്നുവെങ്കിലും മറ്റ്​ രാജ്യങ്ങളിലേക്ക്​ കയറ്റുമതി നടത്തുന്നതിനായി കാറുകൾ ഷെവർലെ ഇന്ത്യയിലെ നിർമാണ ശാലകളിൽ ഉൽപ്പാദിപ്പിക്കും. ഇവിടെ ഇന്ത്യയി​ൽ നിലവിലുള്ള മോഡലുകൾക്ക്​ വേണ്ട സ്​പെയർ പാർട്ടുകൾ നിർമിക്കുമെന്നാണ്​ സൂചന. 

റീ സെയിൽ
കാറുകളുടെ റീ സെയിൽ വിലയിലുണ്ടാകുന്ന മാറ്റങ്ങളാണ്​ മറ്റൊരു പ്രധാന വിഷയം. വിൽപ്പന നിർത്തുന്നതോടെ ഷെവർലെയുടെ കാറുകളുടെ റീ സെയിൽ വിലയിൽ കുറവുണ്ടാകും​ ​. നിലവിലെ ഉപഭോക്​താകൾക്ക്​ ഇത്​ തിരിച്ചടിയാകും.

തൊഴിലാളികൾ
നിലവിലുള്ള തൊഴിലാളികളിൽ എട്ട്​ ശതമാനത്തെയെങ്കിലും ജി.എമ്മിന്​ ഒഴിവാക്കേണ്ടി വരും. ഇവർക്ക്​ കമ്പനിയിൽ നിന്ന്​ പിരിഞ്ഞ്​ പോകുന്നതിന്​ മുമ്പായി മികച്ച പാക്കേജ് നൽകുമെന്നാണ്​ ജനറൽ മോ​േട്ടാഴ്​സ്​ ​ അറിയിച്ചിരിക്കുന്നത്​. കയറ്റുമതി ചെയ്യുന്നതിനുള്ള കാറുകൾ നിർമിക്കുന്നതിനായി കുറച്ച്​ തൊഴിലാളികളെ കമ്പനി നില നിർത്തും.  ഉൽപ്പാദനം നിർത്തു​​േമ്പാൾ തൊഴിലാളികളുടെ കാര്യത്തിൽ വ്യക്​തമായ തീരുമാനം വേണമെന്നാണ്​ തൊഴിലാളി സംഘടനകളുടെ ആവശ്യം.

ഡീലർമാർ
അടുത്തതായി ഉയർന്നു വരുന്ന പ്രധാന ചോദ്യം ഡീലർമാരെ സംബന്ധിച്ചാണ്​. വിപണിയിൽ നിന്ന്​ പിൻമാറുന്നത്​ സംബന്ധിച്ച്​ ഷെവർലെ ഇതുവരെ ഡീലർമാർക്ക്​ അറിയിപ്പുകളൊന്നും നൽകിയിട്ടില്ല. വൈകാതെ തന്നെ ഇതുമായി ബന്ധപ്പെട്ട അറിയിപ്പ്​ ലഭിക്കുമെന്ന പ്രതീക്ഷയാണ്​ ഉള്ളതെന്നും ഡീലർമാർ അറിയിച്ചു.