ജനറൽ മോ​േട്ടാഴ്​സ്​ ഇന്ത്യയിൽ കാറുകളുടെ വിൽപ്പന നിർത്തുന്നു

മുംബൈ: ലോക പ്രശസ്​ത കാർ നിർമാതാക്കളായ ജനറൽ മോ​േട്ടാഴ്​സ്​ ഇന്ത്യയിലെ കാറുകളുടെ വിൽപ്പന നിർത്തുന്നു. ഇൗ വർഷം അവസാനത്തോടെ പുതിയ തീരുമാനം നടപ്പിലാക്കാനാണ്​ കമ്പനിയുടെ പദ്ധതി. ഷെവർലേ ​ബ്രാൻഡിന്​ കീഴിലാണ്​ ജനറൽ മോ​േട്ടാഴ്​സ്​ ഇന്ത്യയിൽ കാറുകൾ വിൽക്കുന്നത്​.

ലോകത്തിൽ അതിവേഗം വളരുന്ന കാർ വിപണിയായ ഇന്ത്യയിൽ ഒരു ശതമാനം മാത്രമാണ്​ ജനറൽ മോ​േട്ടാഴ്​സി​​​​െൻറ പങ്കാളിത്തം.  മോശം പ്രകടനം തുടരുന്ന സാഹചര്യത്തിൽ ഇനിയും ഇന്ത്യയിലെ വിൽപ്പന തുട​രേണ്ടതില്ലെന്ന നിലപാടിലാണ്​ ജി.എം.

എന്നാൽ വിപണിയിൽ നിന്ന്​ പൂർണമായും പിൻമാറാൻ ജനറൽ മോ​േട്ടാഴ്​സിന്​ പദ്ധതിയില്ലെന്നാണ്​ റിപ്പോർട്ട്​. കമ്പനിക്ക് നിലവിൽ​ മുംബൈയിലും അസംബ്ലിങ്​ യൂണിറ്റുണ്ട്​​. ഇൗ യൂണിറ്റിൽ  കാറുകളുടെ അസംബ്ലിങ്​  തുടരും. ഇത്തരത്തിൽ നിർമിക്കുന്ന കാറുകൾ കയറ്റുമതി ചെയ്യാനാണ്​ പദ്ധതിയെന്നും കമ്പനി പ്രതിനിധികൾ അറിയിച്ചു. ബംഗളൂരുവിൽ ടെക്​ സ​​​െൻററും ജി.എം നില നിർത്തും.

മെക്​സികോയിലേക്കും, ലാറ്റിനമേരിക്കൻ രാജ്യങ്ങളിലേക്കും ജനറൽ മോ​േട്ടഴ്​സ്​ കാറുകൾ കയറ്റി അയക്കുന്നത്​ ഇന്ത്യയിൽ നിന്നാണ്​. രാജ്യത്ത്​ അസംബ്ലിങ്​ നടത്തി ജി.എം കയറ്റി അയക്കുന്ന കാറുകളുടെ എണ്ണം കഴിഞ്ഞ സാമ്പത്തിക വർഷത്തിൽ ഇരട്ടിയായിരുന്നു.