മൂന്ന്​ മിനുട്ടിൽ വിറ്റുതീർന്ന്​ എൻഫീൽഡ്​ പെഗാസസ്​ ബൈക്കുകൾ

ലിമിറ്റഡ്​ എഡിഷൻ റോയൽ എൻഫീൽഡ്​ പെഗാസസ്​ ബൈക്കുകളുടെ ഫ്ലാഷ്​ സെയിലിന്​ മികച്ച പ്രതികരണം. ബൈക്കി​​െൻറ മുഴുവൻ യൂനിറ്റുകളും മൂന്ന്​ മിനുട്ടിനുള്ളിലാണ്​ വിറ്റുുപോയത്​. 250 പെഗാസസ്​ യൂനിറ്റുകളാണ്​ റോയൽ എൻഫീൽഡ്​ വിൽപനക്കെത്തിച്ചത്​. കമ്പനിയുടെ വെബ്​സൈറ്റിൽ ഫ്ലാഷ്​ സെയിൽ തുടങ്ങിയ ഉടൻ തന്നെ യൂനിറ്റുകൾ മുഴുവൻ വിറ്റുപോവുകയായിരുന്നു.

നേരത്തെ പെഗാസസ്​ ബൈക്കുകൾ വാങ്ങാനായി ആളുകൾ കൂട്ടത്തോടെ എത്തിയതിനെ തുടർന്ന്​ കമ്പനിയുടെ വെബ്​സൈറ്റ്​ തകർന്നിരുന്നു. തുടർന്ന്​ ബൈക്കി​​െൻറ വിൽപന താൽക്കാലികമായി റോയൽ എൻഫീൽഡ്​ നിർത്തിയിരുന്നു. പെഗാസസി​​െൻറ 1000 യൂനിറ്റുകളാണ്​ റോയൽ എൻഫീൽഡ്​ വിൽപനക്കായി എത്തിച്ചിരിക്കുന്നത്​. ഇതിൽ 250 യൂനിറ്റുകൾ മാത്രമാണ്​ ഇന്ത്യയിൽ വിൽക്കുക.

രണ്ടാം ലോകമഹായുദ്ധകാലത്ത്​ ഉപയോഗിച്ചിരുന്ന ഫ്ലെയിങ്​ ഫ്ലി എന്ന മോ​േട്ടാർ സൈക്കിളിൽ നിന്ന്​ പ്രചോദനം ഉൾക്കൊണ്ടാണ്​ റോയൽ എൻഫീൽഡ്​ പെഗാസസ്​ ബൈക്കുകളെ അണിയിച്ചൊരുക്കിയിരിക്കുന്നത്​.