ഏഴ്​ സീറ്റർ ഹാരിയർ; ടാറ്റ ഗ്രാവിറ്റാസ്​

പുതിയ ഏഴ്​ സീറ്റർ എസ്​.യു.വിയുടെ പേര്​ പുറത്ത്​ വിട്ട്​ ടാറ്റ. ഗ്രാവിറ്റാസ്​ എന്ന പേരിലാവും എസ്​.യു.വി ഇന്ത്യൻ വിപണിയിൽ പുറത്തിറങ്ങുക. ഹാരിയറിൻെ ഏഴ്​ സീറ്റർ വകഭേദമായ ഗ്രാവിറ്റാസ്​ 2019 ജനീവ മോ​ട്ടോർ ഷോയിലാണ്​ അവതരിപ്പിച്ചത്​. 2020ൽ മോഡൽ ഇന്ത്യയിൽ അവതരിക്കുമെന്നാണ്​ സൂചനകൾ.

ഹാരിയറുമായി ഡിസൈനിൽ കാര്യമായ വ്യത്യാസങ്ങളൊന്നും ഗ്രാവിറ്റാസിനില്ല. ഇൻറീരിയറിൽ ഒരുനിര സീറ്റ്​ കൂടി അധികമായി ഉൾപ്പെടുത്തി. 2.0 ലിറ്റർ ഡീസൽ എൻജിനാണ്​ ഗ്രാവിറ്റാസി​േൻറയും ഹൃദയം. പക്ഷേ ട്യൂണിങ്ങിൽ മാറ്റം വരുത്തി കൂടുതൽ കരുത്ത്​ നൽകാനുള്ള ശ്രമം ഗ്രാവിറ്റാസിൽ ടാറ്റ നടത്തിയിട്ടുണ്ട്​.

ബി.എസ്​ 6 എൻജിൻ 170 പി.എസ്​ പവറും 350 എൻ.എം ടോർക്കും നൽകും. ആറ്​ സ്​പീഡ്​ മാനുവലാണ്​ ട്രാൻസ്​മിഷൻ. ഹ്യുണ്ടായിയുടെ സഹകരണത്തോടെ വികസിപ്പിച്ച ആറ്​ സ്​പീഡ്​ ഓ​ട്ടോമാറ്റിക്​ ട്രാൻസിഷനുമുണ്ടാകും. പുറത്തിറങ്ങു​േമ്പാൾ മോഡലിൽ പെട്രോൾ എൻജിനുമുണ്ടാകുമെന്നാണ്​ റിപ്പോർട്ടുകൾ.