വാഹനലോകത്തി​െൻറ തലവര മാറ്റാനൊരുങ്ങി ആപ്പിൾ

കാലിഫോർണിയ: എന്ത്​ ചെയ്യു​േമ്പാഴും അതിലൊരു വ്യത്യസ്​തത വേണമെന്ന്​ നിർബന്ധമുള്ള കമ്പനിയാണ്​ ആപ്പിൾ. ഇൗ ചിന്ത തന്നെയാണ്​ ടെക്​ലോകത്തെ കിരീടം വെക്കാത്ത രാജാവാക്കി ആപ്പിളിനെ മാറ്റുന്നതും. ഡ്രൈവറില്ല കാറുകളെ കുറിച്ച്​ നിരവധി കമ്പനികൾ ​ഗവേഷണം നടത്തുകയും വികസിപ്പിക്കുകയും ചെയ്​തിട്ടുണ്ട്​. എന്നാൽ അവരിൽ നിന്നെല്ലാം വ്യത്യസ്​തമായി ആർട്ടിഫിഷ്യൽ ഇൻറലിജൻസിനെ മികച്ച രീതിയിൽ ഉപയോഗപ്പെടുത്താനുള്ള ശ്രമത്തിലാണ്​ ആപ്പിൾ. കമ്പനി സി.ഇ.ഒ ടിം കുക്കാണ്​  ഡ്രൈവറില്ല കാറി​​െൻറ ഗവേഷണം നടത്തുന്നുവെന്ന വിവരം സ്ഥിരീകരിച്ചത്​.

ജൂൺ 5ന്​ ബ്ലൂബെർഗ്​ ടെലിവിഷന്​ നൽകിയ അഭിമുഖത്തിൽ ​ഡ്രൈവറില്ല കാറി​​െൻറ ​ഗവേഷണത്തിലാണ്​ തങ്ങളെന്ന്​ ടിം കുക്ക്​ പറഞ്ഞു. ഇതുവരെ സൃഷ്​ടിക്കപ്പെട്ടതിൽ വച്ച്​ ഏറ്റവും മികച്ച ആർട്ടിഫിഷ്യൽ ഇൻറലിജൻസ്​ സിസ്​റ്റമാവും വാഹനത്തിലുപയോഗിക്കുക . ബുദ്ധിമു​​േട്ടറിയ കാര്യമാണെങ്കിലും ഇത്​ യാഥാർഥ്യമാക്കാൻ കഴിയുമെന്ന്​ തന്നെയാണ്​ വിശ്വാസമെന്ന്​ കുക്ക്​ പറഞ്ഞ​ു. 

ഡ്രൈവറില്ല കാറുകളുടെ സാധ്യത മനസിലാക്കി പല പ്രമുഖ ​വാഹന നിർമാതാക്കളും ഇത്​ വികസിപ്പിക്കാനുള്ള ശ്രമത്തിലാണ്​. ബി.എം.ഡബ്​ളിയു, ഫിയറ്റ്​ എന്നിവയെല്ലാം ഡ്രൈവറില്ല കാറുകൾക്കായുള്ള ഗവേഷണങ്ങളുടെ മുൻപന്തിയിലുണ്ട്​. ടെക്​നോളജി ഭീമൻമാരായ ഗൂഗിൾ ഇൗ രംഗത്ത്​ ഏറെ മുന്നോട്ട്​ പോയി കഴിഞ്ഞു. ഇൗ സാഹചര്യത്തിലാണ്​ ടൈറ്റാൻ എന്ന രഹസ്യനാമത്തിൽ 2014ൽ ആപ്പിൾ ഡ്രൈവറില്ല കാറുകൾക്കായുള്ള ​ഗവേഷണം ആരംഭിക്കുന്നത്​. 

ഇൗ വർഷം ഏപ്രിലിൽ ഡ്രൈവറില്ല കാറുകൾ റോാഡിൽ ടെസ്​റ്റ്​ ചെയ്യുന്നതിനുള്ള അനുമതി ആപ്പിളിന്​ ലഭിച്ചതായി വാർത്തകളുണ്ടായിരുന്നു. കാലിഫോർണിയിയിലെ മോ​േട്ടാർ വാഹന വകുപ്പാണ്​ അനുമതി നൽകിയത്​. പുറത്ത്​ വരുന്ന വാർത്തകളുനസരിച്ച്​ ഇൗ വർഷം അവസാനത്തോടെ ആപ്പിൾ കാറുകളുടെ പരീക്ഷണം നടത്തുമെന്നാണ്​ സൂചന​. എന്തായാലും വാഹനലോകം കാത്തിരിക്കുകയാണ്​ ​​ടെക്​ ലോകത്തി​​െൻറ തലവര മാറ്റിമറിച്ച കണ്ടെത്തലുകൾ നടത്തിയ ആപ്പിളിൽ നിന്ന്​ ​മറ്റൊരു അത്ഭുതത്തിനായി.