പോളോ ജി.ടി.​െഎക്ക്​  ആറ്​ ലക്ഷം കുറവ്​ 

ന്യൂഡൽഹി: വോക്​സ്​വാഗൺ പോളോ ജി.ടി.​െഎയുടെ വില കുറച്ചു. ആറ്​ ലക്ഷം രൂപയുടെ കുറവാണ്​ കാറിന്​ വരുത്തിയിരിക്കുന്നത്​. 19.99 ലക്ഷം രൂപക്കാണ്​ പോളോ ജി.ടി.​െഎ  വിപണിയിൽ ലഭ്യമാവുക​​. ജി.എസ്​.ടി നടപ്പിലാക്കിയതി​​​​െൻറ ഭാഗമായാണ്​ കാറിന്​ വോക്​സ്​വാഗൺ വില കുറച്ചിരിക്കുന്നത്​.  പുതിയ വില ജൂലൈ ഒന്ന്​ മുതൽ നിലവിൽ വന്നതായി കമ്പനി അറിയിച്ചു.

എന്നാൽ ഇന്ത്യയിൽ വിൽപ്പന കണക്കിൽ പിന്നി​ലാണ്​ പോളോ ജി.ടി.​െഎയെന്നാണ്​​ റിപ്പോർട്ടുകൾ. സ്​​റ്റോക്ക്​ ക്ലിയറൻസ്​ സെയിലി​​​​െൻറ ഭാഗമായാണ്​ കാറി​​​​െൻറ വില കുറച്ചതെന്നാണ്​ റിപ്പോർട്ട്​​. കഴിഞ്ഞ വർഷം നവംബറിലായിരുന്ന പോളോയുടെ ജി.ടി.​െഎ വകഭേദം ഇന്ത്യൻ വിപണിയിൽ അവതരിപ്പിച്ചത്​. ഉയർന്ന വില പലപ്പോഴും പോളോ ജി.ടി.​െഎ വാങ്ങുന്നതിൽ നിന്ന്​ ആളുകളെ പിന്തിരിപ്പിച്ചിരുന്നു.

ജി.എസ്​.ടി നിലവിൽ വന്നതിന്​ ശേഷം ഇന്ത്യയിലെ എല്ലാ കാർ നിർമാതാക്കളും വിലക്കുറവുമായി രംഗത്തെത്തിയിരുന്നു. എൻട്രി ലെവൽ കാറുകൾക്ക്​ ചെറിയ തോതിൽ വില കുറഞ്ഞപ്പോൾ എസ്​.യു.വികളുടെ ഉൾപ്പടെയുള്ളവയുടെ വിലയിൽ വൻ കുറവാണ്​ ഉണ്ടായിരിക്കുന്നത്​.