റോഡ്​ മുറിച്ച്​കടക്കാൻ സഹായിച്ച ഇൗ യുവതിയാണ്​ ഇപ്പോൾ ചൈനയിലെ താരം

കാൽനട യാത്രക്കാരോട്​ പൊതുവെ നല്ല സമീപനം പുലർത്തുന്നവരല്ല വാഹന യാത്രക്കാർ. റോഡ്​ ക്രോസ്​ ചെയ്യാനായി നിൽക്കുന്ന യാത്രക്കാരെ പലപ്പോഴും അവജ്ഞയോടെ പരിഗണിക്കുന്ന സമീപനമാണ്​ വാഹനയാത്രികർ സ്വീകരിക്കുന്നത്​. ഇതിൽ നിന്ന്​ വ്യത്യസ്​ത സമീപനം സ്വീകരിച്ച യുവതിയാണ്​ ഇപ്പോൾ ചൈനയിൽ താരമാവുന്നത്​.

ചൈനയിലെ തിരക്കേറിയ ഒരു റോഡ്​ മുറിച്ച്​ കടക്കാൻ​  വികലാംഗന്​ ​ സഹായമെത്തിച്ചാണ്​ യുവതി സാമൂഹിക മാധ്യമങ്ങളിൽ താരമായത്​. റോഡിൽ മുറിച്ചുകടക്കാൻ ഒരാൾ ബുദ്ധിമുട്ടുന്നത്​ കണ്ടപ്പോൾ മറ്റൊന്നും ആലോചിക്കാതെ നടുറോഡിൽ വാഹനം നിർത്തി യുവതി അയാളെ സഹായിക്കാൻ ഇറങ്ങുകയായിരുന്നു. വാഹനത്തിൽ നിന്നിറങ്ങി കൈ പിടിച്ച്​ അയാളെ റോഡ്​ ​ക്രോസ്​ ചെയ്യിച്ചതിന്​ ശേഷമാണ്​ യുവതി പിൻവാങ്ങിയത്​. ട്രാഫിക്​ സിഗ്​നലിലെ സി.സി.ടി.വി കാമറകളിലാണ്​ ഇൗ ദൃശ്യങ്ങൾ പതിഞ്ഞത്​.

നവംബർ 17ന്​ നടന്ന സംഭവത്തി​​​​െൻറ വീഡിയോ ചൈനീസ്​ മാധ്യമമായ പീപ്പൾസ്​​ ഡെയിലിയുടെ ട്വിറ്റർ പേജിലൂടെയാണ്​ പുറത്ത്​ വന്നത്​. ഇതുവരെ ലക്ഷകണക്കിന്​ ആളുകളാണ്​ വീഡിയോ കാണുന്നത്​. യുവതിയുടെ പ്രവർത്തിയെ അനുമോദിച്ച്​ നിരവധി പേരാണ്​ സാമൂഹിക മാധ്യമങ്ങളിലൂടെ രംഗത്തെത്തുന്നത്​.