നോട്ട്​ പിൻവലിക്കൽ: ഇന്ത്യൻ വാഹനവിപണിക്കും തിരിച്ചടി

മുംബൈ: 500,1000 രൂപയുടെ നോട്ടുകൾ പിൻവലിച്ച്​ കൊണ്ടുള്ള കേന്ദ്ര സർക്കാർ തീരുമാനം വാഹനവിപണിക്കും തിരിച്ചടിയാവുന്നു. രാജ്യത്തെ കാർ,ഇരുചക്ര വാഹനവിപണിക്ക്​ തീരുമാനം തിരിച്ചടിയായി​ .

ഇരുചക്ര വാഹനങ്ങൾ വാങ്ങു​േമ്പാൾ ഭൂരിഭാഗം ഉപ​േഭാക്​തകളും പണമാണ്​ നൽകുന്നത്​. നോട്ടുകൾ പിൻവലിച്ച തീരുമാനം പുറത്ത്​ വ​ന്നതോടെ പല ഉപ​ഭോക്​തകകളും ഇരുചക്ര വാഹനങ്ങൾ വാങ്ങുന്നതിൽ നിന്ന്​ പിൻമാറുകയാണ്​. സമാന സ്​ഥിതിയാണ്​ കാർ വിപണിയിലും നിലനിൽക്കുന്നത്​. വാഹനവിപണിയിലെ തിരിച്ചടി കേവലം കമ്പനികളെ മാത്രമല്ല ബാധിക്കുക. വാഹനങ്ങളുടെ നികുതി പണമായാണ്​ ആർ.ടി.ഒ ഒാഫീസുകളിൽ നൽകുന്നത്​. വാഹന വിൽപന കുറഞ്ഞാൽ സർക്കാരി​െൻറ നികുതി വരുമാനത്തെയും അത്​ ബാധിക്കും.

എന്നാൽ തിരിച്ചടി മറികടക്കാൻ പുതിയ ​തന്ത്രങ്ങളുമായി കമ്പനികൾ വിപണി​യിലെത്തികഴിഞ്ഞു.  മാരുതി സുസുക്കി കാറുകൾ ബുക്ക്​ ചെയ്യാൻ പേടിഎം വഴി സംവിധാനം ഏർപ്പെടുത്തിയിട്ടുണ്ട്​. ഹോണ്ട കാറുകൾക്ക്​ 100 ശതമാനം ഒാൺ റോഡ്​ വായ്​പ നൽകിയാണ്​ വിപണി പിടിക്കാനൊരുങ്ങുന്നത്​. ഇൗ കാലയളവിൽ മികച്ച  ഒാഫറുകളാണ്​ മിക്ക കമ്പനികളും ഉപഭോക്​താക്കൾക്കായി നൽകുന്നത്​. എന്നാൽ തീരുമാനം ആദ്യഘട്ടത്തിൽ തിരിച്ചടിയുണ്ടാക്കിയെങ്കലും വൈകാതെ തന്നെ വാഹന വിപണി തിരിച്ച്​ വരുമെന്നും സർക്കാർ തീരുമാനത്തെ സ്വാഗതം ചെയ്യുന്നുവെന്ന്​ ഹീറോ മോ​േട്ടാ കോർപ്പി​െൻറ തലവൻ പവൻ മുൻജൽ പറഞ്ഞു.