മിഷൻ ഹ്യുമൺ ഫ്ലൈറ്റ്​; ദുബൈയിൽ ജെറ്റ്​പാക്കിൽ പറക്കുന്ന മനുഷ്യൻ VIDEO

ദുബൈ: വിമാനത്തിനകത്തും ഹെലിക്കോപ്​റ്ററിനകത്തും ആകാശയാത്ര ചെയ്​തവർ നിരവധിപേരുണ്ടാവും. എന്നാൽ അവരിൽ നിന്ന് ​ ഒരു ജെറ്റ്​പാക്​ റൈഡൽ വ്യത്യസ്ഥനാവുന്നത്​ സ്വയം ചിറക്​ വിരിച്ച്​ പറന്നതിനാലാണ്​. പ്രൊഫഷണൽ സ്​കൈ ഡൈവറായ വി ൻസ്​ റെഫെറ്റാണ് ദുബൈയിൽ​ അതി സാഹസിക പ്രകടനം നടത്തിയത്​. മിഷൻ ഹ്യുമൺ ഫ്ലൈറ്റ്​ എന്ന പദ്ധതിയുടെ ഭാഗമായാണ്​ ജെറ് റ്​പാക്​ എന്ന കമ്പനി പറക്കൽ പരീക്ഷണം നടത്തിയത്​.

ജെറ്റ്​പാക്​ ചിറകിൽ റെഫെറ്റ്​ പറന്നത് ഭൂമിയിൽ നിന്ന്​​ 1800 മീറ്റർ ഉയരത്തിൽ. കാർബൺ ഫൈബറിൽ നിർമിച്ച് ചിറകിന് പറക്കാൻ ശക്​തി നൽകുന്നത്​​​ ജെറ്റ്​ എഞ്ചിനാണ്​​. ചിറക്​ വിരിച ്ച്​ പറക്കുന്ന കാഴ്​ച ബഹുരസവും മനുഷ്യൻെറ പറക്കൽ സ്വപ്​നങ്ങൾക്ക്​ പുതിയ മാനം നൽകുന്നതുമാണ്​.

ദുബൈയിലുള്ള സ്​കൈഡൈവ്​ ​റൺവേയ ിൽ നിന്ന്​ പറന്നുയർന്ന്​ അറേബ്യൻ ഗൾഫ്​ തടാകത്തിന്​ മുകളിലൂടെ വട്ടം ചുറ്റി വളരെ ഉയരുമുള്ള ജുമൈറ ബീച്ച്​ റെസിഡ ൻസ്​ കെട്ടിട സമുച്ചയത്തിന്​ മുകളിലേക്ക്​ റോക്കറ്റ്​ കണക്കെ കുതിച്ച്​ വിൻസ്​ റെഫെറ്റ്​ കാഴ്​ച്ചക്കാരെ രോമാഞ്ചമണിയിച്ചു.

50 ഓളം ടെസ്റ്റ്​ റൈഡ്​ നടത്തിയതിന്​ ശേഷമാണ്​ അദ്ദേഹം യന്ത്രച്ചിറകിൽ ആകാശത്തേക്ക്​ പറന്നുയർന്നത്​. സുരക്ഷക്കായി പ്രത്യേക കേബിളുകളും വീഴ്​ച്ച പ്രതിരോധിക്കാനുള്ള അറസ്റ്റിങ്​ സംവിധാനവും സജ്ജീകരിച്ചതിന്​ ശേഷമാണ്​ ടേക്ക്​ ഓഫ്​​. തുടക്കത്തിൽ അൽപം ഉയർന്നുപൊങ്ങി താഴെ വന്ന അദ്ദേഹം ജുമൈറ ബീച്ച്​ റസിഡൻസിയുടെ മുകളിലേക്ക് മണിക്കൂറിൽ 240 കിലോമീറ്റർ​ വേഗതിയിൽ റോക്കറ്റ്​കണക്കെ കുതിച്ചത്​ അതിഗംഭീര ദൃശ്യമാണ്​.

വെറും എട്ട്​ സെക്കൻറുകൾ മാത്രമെടുത്താണ്​ ജെറ്റ്​പാക്ക്​ 100 മീറ്റർ ഉയരത്തിലേക്ക്​ പൊങ്ങിയത്​. 200 മീറ്റർ 12 സെക്കൻറുകൾ കൊണ്ടും 500 മീറ്റർ 19 സെക്കൻറുകൾ കൊണ്ടും ഭേദിച്ചു. 1000 മീറ്ററുകൾ ഉയരത്തിലേക്ക്​ പോകാൻ​ വെറും 30 സെക്കൻറുകൾ മാത്രമാണെടുത്തത്​​. 1800 മീറ്റർ ഉയരത്തിൽ പോയതിന്​ ശേഷം 1500 മീറ്റർ താഴ്​ന്ന്​ പാരച്യൂട്ടിലാണ്​ റെഫെറ്റ്​ ലാൻഡ്​ ചെയ്​തത്​. ‘‘ഇത്​ സാധ്യമായതിൽ അങ്ങേയറ്റം സന്തോഷവാനാണ്​​. ടീംവർ​ക്കിലൂടെ മാത്രമാണ്​ ഇൗ ഫലം കിട്ടിയത്​. ഓരോ ചെറിയ സ്​റ്റെപ്പും വലിയ ഫലമാണ്​ ഞങ്ങൾക്ക്​ തന്നത്​. ജെറ്റ്​മാൻ വിൻസ്​ റെഫെറ്റ്​ ആകാശയാത്രക്ക്​ ശേഷം പറഞ്ഞു.

2015ൽ തന്നെ അദ്ദേഹം ജെറ്റ്​പാക്കിൽ പറക്കൽ പരീക്ഷണം നടത്തിയിരുന്നു. ‘യങ്ങ്​ ഫെതേർസ്​’ എന്ന പേരിൽ യൂട്യൂബിലിട്ട ഷോട്ട്​ ഫിലിമിലായിരുന്നു വൈവ്​സ്​ റോസിയെന്ന സ്വിസ്​ മിലിറ്ററിയിൽ പ്രവർത്തിച്ചിരുന്ന പങ്കാളിയുമൊത്ത്​ ജെറ്റ്​പാക്​ പരീക്ഷണം നടത്തുന്ന ദൃശ്യങ്ങൾ റെഫെറ്റ്​ പങ്കുവെച്ചത്​​. വർഷങ്ങൾ പിന്നിട്ടപ്പോൾ ജെറ്റ്​പാക്ക്​ കൂടുതൽ നൂതനവും പ്രവർത്തനക്ഷമവുമായതായി പുതിയ വിഡിയോയിൽ കാണാം.

ജെറ്റ്​പാക്കിനെ പറന്നുപൊങ്ങി വെർട്ടിക്കൽ ലാൻഡിങ്ങിന്​ സാധ്യമാക്കിയ എഞ്ചിനിയർമാർ ഇന്ത്യക്കാരനായ മുഹമ്മദ്​ റാഷിദ്​ ചെമ്പൻകണ്ടി, സ്വിറ്റ്​സർലാൻഡുകാരനായ ആൻഡ്രെ ബെർനെറ്റ്​ ഫ്രാൻസിൽ നിന്നും മാത്യു കോർ​ട്ടോയിസ്​ എന്നിവരാണ്​. 2015ൽ റെഫെറ്റും പങ്കാളിയും ജെറ്റ്​പാക്ക്​ പരീക്ഷിച്ചപ്പോൾ ഹെലിക്കോപ്​റ്ററിൽ നിന്ന്​ എടുത്തുചാടിയായിരുന്നു പറന്നത്​. എന്നാൽ, പുതിയ ജെറ്റ്​പാക്കിൽ വെർട്ടിക്കൽ​ ​ടേക്ക്​ ഓഫ്​ ലാൻഡിങ്​ (VTOL) കൂടി സാധ്യമായതോടെ വിമാനമില്ലാതെ സ്വയം നിയന്ത്രിച്ച്​ പറക്കുന്ന മനുഷ്യനെന്ന സ്വപ്​നം യാഥാർഥ്യത്തോടടുത്തിരിക്കുകയാണ്​.

View this post on Instagram

Mission human flight @jetman @expo2020dubai

A post shared by Mohammed Rashid Chembankandy (@pappafre) on Nov 14, 2019 at 3:51am PST