ഇനി തൊടാതെയും ടച്ച്​ സക്രീൻ പ്രവർത്തിക്കും; ഇത്​ ലാൻഡ്​റോവറി​െൻറ പുതിയ കണ്ടുപിടിത്തം

പുത്തനാശയങ്ങളുടെ  പറുദീസയാണ്​ എന്നും വാഹന ലോകം. നൂറുകണക്കിന്​ പേറ്റൻറുകളാണ്​ ബെൻസും എി.എം്​ഡബ്ലുവും ഒാഡിയുമൊക്കെ തങ്ങളുടെ വിവിധ മോഡലുകൾക്കായി വർഷാവർഷം എടുക്കുന്നത്​. വാഹനങ്ങളെ ആകർഷകമാക്കുന്ന പ്രമുഖ ഘടകങ്ങളിലൊന്ന്​ അവയുടെ ഇൻഫോടൈൻമ​െൻറ്​ സിസ്​റ്റമാണ്​. ടച്ച്​ സ്​ക്രീനുകളാണ്​ ഇത്തരം സംവിധാനങ്ങളിൽ കൂടുതലായി ഉപയോഗിക്കുന്നത്​.

ചില വാഹനങ്ങളെ മൊത്തത്തിൽ നിയന്ത്രിക്കുന്നത്​ ടച്ച്​ സ്​ക്രീനുകളാണ്​. പ്രത്യേകിച്ചും പുതുതലമുറ വൈദ്യുത വാഹനങ്ങളിൽ എല്ലാത്തിനും ആശ്രയിക്കുന്നത്​ വലിയ ടച്ച്​ സ്​ക്രീനുകളെയാണ്​. കാണാൻ ഭംഗിയൊക്കെയുണ്ടെങ്കിലും ടച്ച്​ സ്​ക്രീനുകൾക്ക്​ വലിയൊരു പോരായ്​മയുണ്ട്​. വാഹനം ഒാടിക്കൊണ്ടിരിക്കു​േമ്പാൾ ഇവ ഉപയോഗിച്ചുള്ള നിയന്ത്രണം അത്ര എളുപ്പമല്ല.

വിലകൂടിയ വാഹനങ്ങൾ പൂർണ്ണമായും ടച്ച്​ സ്​ക്രീനിലേക്ക്​ മാറാത്തതും അതുകൊണ്ടാണ്​. ഇതിനൊരു പരിഹാരം കണ്ടിരിക്കുകയാണ്​ ടാറ്റയുടെ ഉടമസ്​ഥതയിലുള്ള ബ്രിട്ടീഷ്​ വാഹന നിർമാതാക്കളായ  ജാഗ്വാർ ലാൻഡ്​ റോവർ. ടച്ച്​ ചെയ്യാതെ പ്രവർത്തിക്കുന്ന പുതിയ സ്ക്രീനുകൾ വികസിപ്പി​െച്ചടുത്തിരിക്കുകയാണ്​ അവർ.

ബ്രിട്ടീഷ്​ യൂനിവേഴ്​സിറ്റിയായ കേംബ്രിഡ്​ജ്ി​​െൻറ ഗവേഷണ വിഭാഗവുമായി സഹകരിച്ചാണ്​ പുതിയ കണ്ടുപിടിത്തം നടത്തിയിരിക്കുന്നത്​. ‘പ്രഡിക്​ടീവ്​ ടച്ച്​’ എന്നാണ്​ നിലവിലിതിനെ വിളിക്കുന്നത്​. സ്​ക്രീനിൽ നാം കൈ ചൂണ്ടുന്നിടം ആക്​ടീവ്​ ആകുന്ന സംവിധാനമാണിത്​. ​സെൻസറുകൾ ഉപയോഗിച്ചാണ്​ ടച്ച്​സ്​ക്രീൻ പ്രവർത്തിക്കുന്നത്​. ഇതുസംബന്ധിച്ച വീഡിയോയും ജാഗ്വാർ പുറത്തുവിട്ടിട്ടുണ്ട്​.  

മെഷീൻ ഇൻറലിജൻസ്​, ജെസ്​ചർ ട്രാക്കർ, റേഡിയൊ ഫ്രക്വൻസി സെൻസർ എന്നിവ ഒരുമിച്ച്​ പ്രവർത്തിച്ചാണ്​ നാം ഉദ്ദേശിക്കുന്ന സ്​ക്രീനിലെ ഭാഗം ആക്​ടീവ്​ ആക്കുന്നത്​. പരീക്ഷണങ്ങളിൽ 80 ശതമാനത്തിലധികം കൃത്യത പ്രഡിക്​ടീവ്​ ടച്ചിന്​ ലഭിച്ചതായാണ്​ വിവരം. ലാൻഡ്​റോവർ വെലാർ പോലുള്ള  മോഡലുകളിൽ താമസിയാതെ പുതിയ സംവിധാനം ഉൾപ്പെടുത്തുമെന്നാണ്​ സൂചന.