ഉറൂസിനെ പറപ്പിച്ച്​ തലൈവൻ;  മൂക്കത്ത്​ വിരൽവച്ച്​ ആരാധകർ

ഇന്ത്യയിലെ ഒര​േയൊരു സൂപ്പർ സ്​റ്റാർ ആരാണെന്ന ചോദ്യത്തിന്​ ഒറ്റ ഉത്തരമേയുള്ളൂ, രജനീകാന്ത്​. അദ്ദേഹം നൂറ്​ കോടിയൊക്കെ പ്രതിഫലം പറ്റുന്നുണ്ടെന്നാണ്​ കോളിവുഡിലെ അണിയറ സംസാരം. പക്ഷെ വാഹനങ്ങളുടെ കാര്യത്തിൽ രജനിയൊരു ദരിദ്രനാണ്​. ആഢംബര വാഹനങ്ങളുടെ നീണ്ടനിര അദ്ദേഹത്തിന്​ ഉള്ളതായി ഇതുവരെ വെളിപ്പെട്ടിട്ടില്ല.

ത​​െൻറ വരുമാനമനുസരിച്ച്​ ലോകത്ത്​ ഇന്നിറങ്ങുന്ന ഏത്​ വാഹനവും ഗ്യാരേജിലെത്തിക്കാൻ അദ്ദേഹത്തിനാകും. പക്ഷെ വർഷങ്ങളായി അദ്ദേഹം സഞ്ചരിച്ചിരുന്നത്​ ഫിയറ്റ്​, അംമ്പാസഡർ, ഹോണ്ട സിവിക്​, ടൊയോട്ട ഇന്നോവ എന്നീ വാഹനങ്ങളിലാണ്​. അടുത്ത കാലത്ത്​ അദ്ദേഹം ഒരു പൊതുപരിപാടിയിൽ പ​െങ്കടുക്കാൻ ബി.എം.ഡബ്ല്യു എക്​സ്​ ഫൈവിൽ എത്തിയിരുന്നു. ചിലപ്പോഴൊക്കെ അദ്ദേഹം ബെൻസിലും ഒാഡിയിലുമൊക്കെ സഞ്ചരിക്കാറുമുണ്ടായിരുന്നു. പക്ഷെ വാഹനഭ്രമം തലൈവൻ ഒരിക്കലും പ്രകടിപ്പിച്ചിരുന്നില്ല.

മറ്റൊരുകാര്യം രജനി ഒരിക്കലും വാഹനം സ്വന്തമായി ഡ്രൈവ്​ ചെയ്യുന്നതും പതിവുണ്ടായിരുന്നില്ല. പക്ഷെ ഇപ്പോൾ പുറത്തുവന്നിരിക്കുന്നത്​ അസാധാരണമായൊരു ചിത്രമാണ്​. ലോകത്തിലെ ഏറ്റവും വിലയേറിയ എസ്​.യു.വികളിലൊന്നായ ലംബോർഗിനി  ഉറൂസാണ്​ രജനി സ്വന്തമായി ഡ്രൈവ്​ചെയ്​ത്​ പോകുന്നത്​. സൂപ്പർ കാറുകളും ഹൈപ്പർ കാറുകളും മാത്രം നിർമ്മിക്കുന്ന ഇറ്റാലിയൻ​ കമ്പനിയായ ലംബോർഗിനിയുടെ ആദ്യ എസ്​.യു.വിയാണ്​ ഉറൂസ്​. നാല്​ കോടിക്കും അഞ്ചുകോടിക്കും ഇടയിലാണ്​ ഉറൂസി​​െൻറ വില. മാസ്​കൊക്കെ ഇട്ട്​ കോവിഡ്​ പ്രോ​േട്ടാക്കോൾ പാലിച്ചാണ്​ സ്​റ്റൈൽ മന്ന​​െൻറ കാർ യാത്ര. ചിത്രം ആരാധകർ ഏറ്റെടുത്തതോടെ സോഷ്യൽ മീഡിയയിൽ വൈറലായി മാറി. 

രജനിയുടെ ആദ്യ കാർ
രജനീകാന്ത്​ ആദ്യമായി വാങ്ങിയ കാർ ഒരു ഫിയറ്റ്​ പ്രീമിയർ പദ്​മിനിയായിരുന്നു. ആ കാർ വാങ്ങുന്നതിന്​ പിന്നിലൊരു ചരിത്രമുണ്ട്​. ഒരിക്കൽ രജനി തന്നെയാണത്​ വെളിപ്പെടുത്തിയത്​. വർഷം 1977. ഭാരതീരാജയുടെ ‘16 വയതിനിലെ’സിനിമയിൽ അഭിനയിച്ച ശേഷം രജനി മറ്റ്​ സിനിമകൾക്കായി കാത്തിരിക്കുകയായിരുന്നു. ഒരു പ്രൊഡ്യുസർ വന്ന്​ കഥ പറയുകയും രജനി അഭിനയിക്കാമെന്ന്​ സമ്മതിക്കുകയും ചെയ്​തു.

നായകനായിട്ടല്ലെങ്കിലും 6000 രൂപയായിരുന്നു പ്രതിഫലം നിശ്​ചയിച്ചിരുന്നത്​. ചർച്ചകൾക്കുശേഷം രജനി 1000 രൂപ അഡ്വാൻസ്​ ആവശ്യ​െപ്പട്ടു. നിർമാതാവ്​ സിനിമ തുടങ്ങുന്നതിനുമുമ്പ്​ പണം നൽകാമെന്ന്​ സമ്മതിക്കുകയും ചെയ്​തു. ഷൂട്ടിങ്ങ്​ തുടങ്ങുന്ന ദിവസവും അഡ്വാൻസ്​ കിട്ടിയിരുന്നില്ല. എ.വി.എം സ്​റ്റുഡിയോയിൽവച്ച്​ പണം കിട്ടിയാലെ മേക്കപ്പ്​​ ഇടൂ എന്ന്​ രജനി പ്രൊഡ്യൂസറോട്​ ഉറപ്പിച്ച്​ പറഞ്ഞു.

ദേഷ്യംപിടിച്ച നിർമാതാവ്​ രജനിയെ അപമാനിച്ച്​ സ്​റ്റുഡിയോയിൽ​ നിന്ന്​ പുറത്താക്കി. അന്ന്​ രജനിക്ക്​ സ്വന്തമായി വാഹനം ഉണ്ടായിരുന്നില്ല. തന്നെ കാറിൽ വീട്ടിൽ ​െകാണ്ടുവിടണമെന്ന്​ അദ്ദേഹം ആവശ്യ​െപ്പ​െട്ടങ്കിലും നിർമാതാവ്​ അതിനും വഴങ്ങിയില്ല. അപമാനിതനായ അദ്ദേഹം സ്​റ്റുഡിയോയിൽ നിന്ന്​ നടന്ന്​ പുറത്തുവരു​േമ്പാൾ ഒരു ബസ്​ നിർത്തിയിരിക്കുന്നുണ്ടായിരുന്നു. അതിലുള്ള ആളുകൾ  രജനിയെ കണ്ട്​ ‘പര​ൈട്ട’എന്ന്​ ആർത്തുവിളിച്ചു. രജനി കരുതിയത്​ അവർ തന്നെ അപമാനിക്കു​കയാണെന്നായിരുന്നു.

യഥാർഥത്തിൽ  എ.വി.എമ്മിന്​ എതിർവശത്ത്​ പതിച്ചിരുന്ന 16 വയതനിലെയുടെ പോസ്​റ്റർ കണ്ട ആളുകൾ അതിലെ രജനിയുടെ കഥാപാത്രത്തി​​െൻറ പേര്​ വിളിക്കുകയായിരുന്നു. അന്ന്​ താനൊരു തീരുമാനം എടുത്തതായി രജനി പറയുന്നു. എ.വി.എമ്മിലേക്ക്​ ഒരുദിവസം താനൊരു വിദേശ കാറിൽ കാലുകൾ കയറ്റിവച്ച്​ വരും എന്നായിരുന്നു ആ തീരുമാനം.

രണ്ടര വർഷങ്ങൾക്ക്​ ശേഷം രജനി എ.വി.എം സ്​റ്റുഡിയോയുടെ പ്രൊ​​പ്രൈറ്റർമാരിൽ ഒരാളിൽ നിന്ന്​ 4.25ലക്ഷം മുടക്കി ഒരു ഇറ്റാലിയൻ നിർമിത ഫിയറ്റ്​ കാർ വാങ്ങുകയായിരുന്നു. ഒരുപാട്​ വർഷങ്ങൾ ആ ഫിയറ്റായിരുന്നു രജനിയുടെ വാഹനം.