മുംബൈയിൽ കെട്ടിടം തകർന്ന്​ ഒരുമരണം

മുംബൈ: മുംബൈയിൽ വീണ്ടും കെട്ടിട ദുരന്തം. ആറുനില കെട്ടിടം തകർന്ന്​ ഒരാൾ മരിക്കുകയും രണ്ടുപേർക്ക്​ പരിക്കേൽക്കുകയും ചെയ്​തു. നിരവധി പേർ അവശിഷ്​ടങ്ങൾക്കിടയിൽ കുടുങ്ങിയതായി സംശയമുണ്ട്​. നഗരപ്രാന്തത്തിലെ സകിനാകയിലാണ്​ വൈകീട്ട്​ സംഭവമുണ്ടായത്​. ഗൗരവ്​ (32) ആണ്​ മരിച്ചത്​. ബബ്​ലു (25), പസവൻ (19) എന്നിവർക്കാണ്​ പരിക്ക്​. അപകടാവസ്​ഥയിലായ കെട്ടിടം പൊളിച്ചുമാറ്റുന്നതിനിടെ പൂർണമായും തകരുകയായിരുന്നു. ജോലിക്കെത്തിയവരാണ്​ അപകടത്തിൽപെട്ടത്​.