പിന്നോ​​ട്ടെടുത്ത കാർ ദേഹത്തുകയറി പിഞ്ചുകുഞ്ഞ്​ മരിച്ചു

ന്യൂഡൽഹി: പിറ​േകാ​ട്ടെടുത്ത കാർ ദേഹത്തുകയറി 10 മാസം പ്രായമുള്ള കുഞ്ഞ്​ മരിച്ചു. ഡൽഹിയിലെ തിലക്​ നഗർ പ്രദേശത്താണ്​ സംഭവം. പാർക്കിങ്​ ഏരിയയിൽ ഇട്ടിരുന്ന ബെൻസ്​ കാർ അശ്രദ്ധമായി പി​േന്നാ​ട്ടെടുക്കുന്നതിനിടെ രാധികയുടെ ദേഹത്ത്​ കയറുകയായിരുന്നു. ഉടൻ തന്നെ ദീൻ ദയാൽ ഉപാധ്യായ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. 

സംഭവത്തിൽ കാർ ഡ്രൈവറായ അഖിലേഷിനെ അറസ്​റ്റ്​ ചെയ്​തതായി ഡെപ്യൂട്ടി പൊലീസ്​ കമീഷനർ ദീപക്​ പുരോഹിത്​ പറഞ്ഞു. 

രാധികയുടെ പിതാവ്​ സെക്യൂരിറ്റി ജീവനക്കാരനാണ്​. പാർക്കിങ്ങിന്​ സമീപം കളിച്ചുകൊണ്ടിരിക്കുകയായിരുന്നു കുഞ്ഞ്​. ഫോറൻസിക്​ വിദഗ്​ധരും പൊലീസും സ്​ഥലത്തെത്തി പരിശോധന നടത്തി. പോസ്​റ്റുമോർട്ടം നടപടികൾക്ക്​ ശേഷം മൃതദേഹം ബന്ധുക്കൾക്ക്​ വിട്ടുകൊടുത്തു.