കോടികളുടെ തട്ടിപ്പ്​; ബി.​ജെ.​പി നേതാക്കളായ ഹെ​ലി​കോ​പ്ട​ർ സ​ഹോ​ദ​ര​ന്മാ​ർക്കെതിരെ കൂടുതൽ പരാതികൾ

തഞ്ചാവൂർ: 600 കോ​ടി രൂ​പ​ുമായി മുങ്ങിയ കും​ഭ​കോ​ണ​ത്തെ​ ബി.​ജെ.​പി നേതാക്കളായ 'ഹെ​ലി​കോ​പ്ട​ർ സ​ഹോ​ദ​ര​ന്മാ​ർ'ക്കെതിരെ കൂടുതൽ പരാതികൾ. പ​ണ​മി​ര​ട്ടി​പ്പ്​ വാ​ഗ്​​ദാ​നം ചെ​യ്ത്​​ കോടികൾ തട്ടിയ ത​ഞ്ചാ​വൂ​ർ കും​ഭ​കോ​ണം ശ്രീ​ന​ഗ​ർ കോ​ള​നി​യി​ലെ എം.​ആ​ർ. ഗ​ണേ​ഷ്, സഹോദരൻ എം.​ആ​ർ. സ്വാമി​നാ​ഥ​ൻ എന്നിവർക്കെതിരെ കും​ഭ​കോ​ണ​ത്താണ്​ നിക്ഷേപകർ പരാതിയുമായെത്തിയത്​. ബി.​ജെ.​പി വ്യാ​പാ​രി വി​ഭാ​ഗം ഭാ​ര​വാ​ഹി​ക​ളായ പ്രതികൾ ഒളിവിൽ കഴിയുകയാണ്​.

എൻ. പാർവതി, സുബ്രഹ്മണ്യൻ, ഭരണിധരൻ, ശിവകുമാർ, പ്രഭു, വെങ്കിട്ടരാമൻ, ലക്ഷ്മി, സ്വാമിനാഥൻ, രാമകൃഷ്ണൻ തുടങ്ങി പത്ത് പേരാണ്​ പോലീസ് സൂപ്രണ്ടിന് പരാതി നൽകിയത്​. ഹെലികോപ്​റ്റർ ബ്രദേഴ്സ​്​്​ നടത്തുന്ന വിക്ടറി ഫിനാൻസിൽ 2020 ജനുവരി 27 ന് 2.25 ലക്ഷം രൂപയാണ്​ പാർവതി നിക്ഷേപിച്ചത്​. എന്നാൽ, മുടക്കുമുതലോ ലാഭമോ തിരികെ നൽകിയില്ലെന്ന്​ പാർവതി പരാതിയിൽ പറയുന്നു.

15 കോ​ടി രൂ​പ​യു​ടെ നി​ക്ഷേ​പം ന​ട​ത്തി വ​ഞ്ചി​ക്ക​പ്പെ​ട്ട ദു​ബൈ​യി​ലെ വ്യാ​പാ​രി​ക​ളാ​യ ജാ​ഫ​റു​ല്ല-​ഫി​റോ​സ്​​ബാ​നു ദ​മ്പ​തി​ക​ളാണ്​ ആദ്യം പരാതിയുമായി രംഗത്തെത്തിയത്​. ജൂലൈ 21 ന് ഇവർ നൽകിയ പ​രാ​തി​യു​ടെ അ​ടി​സ്​​ഥാ​ന​ത്തി​ൽ ത​ഞ്ചാ​വൂ​ർ ജി​ല്ല ക്രൈം​ബ്രാ​ഞ്ച്​ വ​ഞ്ച​ന, വി​ശ്വാ​സ​ലം​ഘ​നം, ക്രി​മി​ന​ൽ ഗൂ​ഢാ​ലോ​ച​ന എ​ന്നീ വ​കു​പ്പു​ക​ൾ​പ്ര​കാ​രം കേ​സ്​ ര​ജി​സ്​​റ്റ​ർ ചെ​യ്​​തു. അടുത്ത ദിവസം, ഇവരുടെ തഞ്ചാവൂരിലെ ഓഫിസിലും വസതിയിലും റെയ്​ഡ്​ നടത്തി. 12 ആഡംബര കാറുകളും പണമിടപാടുമായി ബന്ധപ്പെട്ട നിരവധി രേഖകളും പിടിച്ചെടുത്തു. ഗണേഷിന്‍റെ ഭാര്യയും ഫി​നാ​ൻ​സ്​ ക​മ്പ​നി മാ​നേ​ജ​രാ​യ ശ്രീ​കാ​ന്തും ഉൾപ്പെടെ അഞ്ച് പേരെ അറസ്റ്റ് ചെയ്യുകയും ചെയ്​തിരുന്നു.

തിരുവാരൂർ സ്വദേശികളായ ഗ​ണേ​ഷും സ്വാമി​നാ​ഥ​നും ആറു വർഷം മുൻപാണ്​ കുഭകോണത്തേക്ക്​ താമസം മാറ്റിയത്​. ക്ഷീരോൽപന്ന കമ്പനിയായിരുന്നു ആദ്യം തുടങ്ങിയത്​. പിന്നീട്​ വിക്​ടറി ഫിനാൻസ്​ എന്നപേരിൽ ധനകാര്യ സ്ഥാപനവും 2019ൽ അർജുൻ ഏവിയേഷൻ പ്രൈവറ്റ് ലിമിറ്റഡ് എന്ന പേരിൽ വ്യോമയാന കമ്പനിയും തുടങ്ങി. ഗ​േണഷിന്‍റെ കുട്ടിയുടെ പിറന്നാളിന് സ്വന്തം ഹെലികോപ്റ്ററിൽനിന്ന്​ പുഷ്പവൃഷ്ടി നടത്തിയതോടെയാണ് ഇരുവരും ഹെലികോപ്റ്റർ ബ്രദേഴ്സ് എന്ന്​ അറിയപ്പെടാൻ തുടങ്ങിയത്​.

രാജകീയ ജീവിതമായിരുന്നു ഇരുവരും നയിച്ചിരുന്നത്​. ബി.ജെ.പിയുടെ പ്രധാന നേതാക്കളുമായി ഉറ്റബന്ധം പുലർത്തിയിരുന്നു. ഒരു വർഷം കൊണ്ട് ഇരട്ടിയാക്കി നൽകാമെന്ന് പറഞ്ഞാണ് നാട്ടുകാരൽനിന്ന്​ പണം കൈപ്പറ്റിയിരുന്നത്​. ആദ്യഘട്ടത്തിലൊക്കെ ഇത്​ കൃത്യമായി പാലിച്ചത്​ ഇടപാടുകാരിൽ വിശ്വാസ്യത ജനിപ്പിച്ചു. ഇതോടെ ആളുകൾ കൂടുതൽ കൂടുതൽ പണം നിക്ഷേപിക്കാൻ തുടങ്ങി. പിന്നീട്​ പണം തിരികെ നൽകുന്നതിൽ വീഴ്ചവന്നു. ഇതേക്കുറിച്ച്​ ചോദിച്ചപ്പോൾ കോവിഡ് പ്രതിസന്ധി ബിസിനസിനെ ബാധിച്ചു​വെന്നും ഉടൻ ശരിയാകുമെന്നുമായിരുന്നു മറുപടി. കേസും വിവാദവുമായതോടെ ഗണേഷും സ്വാമിനാഥനും കടന്നുകളയുകയായിരുന്നു.