മഹാരാഷ്​ട്രയിൽ ഇന്നുമാത്രം കോവിഡ്​ സ്​ഥിരീകരിച്ചത്​ 1008 പേർക്ക്​

മുംബൈ: മഹാരാഷ്​ട്രയിൽ വെള്ളിയാഴ്​ച മാത്രം കോവിഡ്​ സ്​ഥിരീകരിച്ചത്​ 1008 പേർക്ക്​. ഇതോടെ സംസ്​ഥാനത്ത്​ കോവിഡ്​ ബാധിച്ചവരുടെ എണ്ണം 11506 ആയി. വെള്ളിയാഴ്​ച 26 പേരാണ്​ ഇവിടെ മരിച്ചത്​. ഒരു ദിവസം ഇത്രയും പേർക്ക്​ കോവിഡ്​ സ്​ഥിരീകരിക്കുന്നത്​ ആദ്യമായാണ്​. ആയിരത്തിലധികം പേർക്ക്​ ഒരുദിവസം കോവിഡ് രോഗബാധ​ സ്​ഥിരീകരിച്ചതോടെ സംസ്​ഥാനം ആശങ്കയിലാണ്​. 

മഹാരാഷ്​ട്രയുടെ തലസ്​ഥാന നഗരിയിൽ മാത്രം 751 പേർക്കാണ്​ രോഗം സ്​ഥിരീകരിച്ചത്​. ഇതോടെ മുംബൈയിലെ കോവിഡ്​ ബാധിതരുടെ എണ്ണം 7625 ആയി. 

ഡൽഹിയിൽ ഇന്ന്​ 223 പേർക്ക്​ കോവിഡ്​ സ്​ഥിരീകരിച്ചു. രണ്ടുമരണമാണ്​ ഡൽഹിയിൽ റിപ്പോർട്ട്​ ചെയ്​തത്​. 3738 പേർക്കാണ്​ കോവിഡ്​ കണ്ടെത്തിയത്​. 

രാജ്യത്ത്​ കോവിഡ്​ ബാധിതരുടെ എണ്ണം 35,365 പേർക്കാണ്​ കോവിഡ്​ സ്​ഥിരീകരിച്ചത്​. 1152 പേർ ഇതുവരെ മരിച്ചു.