ഭാഗീരഥിയമ്മയും കാർത്ത്യായനി അമ്മയും ഉൾപ്പെടെയുള്ളവർക്ക്​ നാരീശക്തി പുരസ്​കാരം

ന്യൂഡൽഹി: 105 വയസ്സുള്ള ഭാഗീരഥി അമ്മയും 98കാരി കാർത്ത്യായനി അമ്മയ​ും ഉൾപ്പെടെ വിവിധ മേഖലകളിൽ നേട്ടം കൈവരിച്ച സ് ത്രീകൾക്ക്​​ നാരീശക്തി പുരസ്​കാരം. കൊല്ലം സ്വദേശിനി ഭാഗീരഥിയമ്മയും ആലപ്പുഴ സ്വദേശിനി കാർത്ത്യായനി അമ്മയും സാക്ഷരതാ​ പ്രവർത്തനത്തി​​​​െൻറ ഭാഗമായി നാലാം തരം തുല്യതാ പരീക്ഷ വിജയിച്ച്​ ദേശീയ ശ്രദ്ധ നേടിയിരുന്നു.

104 വയസുകാരി കായികതാരം മാൻ കൗറിനും പുരസ്​കാരമുണ്ട്​.​ അത്​ലറ്റിക്​സിൽ മാൻ കൗർ കരസ്ഥമാക്കിയ നേട്ടം പരിഗണിച്ചാണ്​ പുരസ്​കാരം​. ട്രാക്കിലും ഫീൽഡിലുമായി 30ഓളം മെഡലുകൾ മാൻ കൗർ നേടിയിട്ടുണ്ട്​. ഗ്രാമീണ വ്യവസായിയായ ആന്ധ്ര പ്രദേശുകാരി പടല ഭുദേവി(40), കൂൺ കൃഷിയിൽ വിജയം കൈവരിച്ചതി​നാൽ ‘മഷ്​റൂം മഹിള’ എന്ന പേരിലറിയപ്പെടുന്ന ബിന ദേവി(43), കരകൗശല വിദഗ്​ധ ആരിഫ ജൻ(33), ഝാർഖണ്ഡുകാരിയായ പരിസ്ഥിതി പ്രവർത്തക ചമി മുർമു(47), ലേ ലഡാക്ക്​ സ്വദേശിനി വ്യവസായി നിൽസ വാങ്​മോ(40),

ഓ​ട്ടോമോട്ടീവ്​ രംഗത്ത്​ വ്യക്തിമുദ്ര പതിപ്പിച്ച മഹാരാഷ്ട്രയിൽ നിന്നുള്ള റാഷ്​മി ഉർദ്​വർദേഷ്​(60), വെളിയിട മലമൂത്ര വിസർജ്ജനം കുറക്കുന്ന തരത്തിൽ വലിയ മാറ്റങ്ങൾ കൊണ്ടു വന്ന യു.പി സ്വദേശിനിയും കൽപ്പണിക്കാരിയുമായ കലാവതി ദേവി(58), ഉത്തരാഖണ്ഡ്​ സ്വദേശിനികളായ പർവതാരോഹകരായ തഷി,നുങ്​ഷി മാലിക്​(28), ശാസ്​ത്രീയ സംഗീതജ്ഞയായ പശ്ചിമ ബംഗാൾ സ്വദേശിനി കൗശികി ചക്രബോർത്തി(38), ഇന്ത്യൻ വ്യോമസേനയുടെ ആദ്യ വനിത യുദ്ധ വിമാന പൈലറ്റുമാരായ മൊഹാന സിങ്​, ഭാവന കാന്ത്​, ആവണി ചതുർവേദി എന്നിവരും നാരീശക്തി പുരസ്​കാരം ഏറ്റുവാങ്ങും.

അന്താരാഷ്​ട്ര വനിതാ ദിനമായ ഞായറാഴ്​ച രാഷ്​ട്രപതി ഭവനിൽ നടക്കുന്ന ചടങ്ങിലാണ്​ പുരസ്​കാര ദാനം. തുടർന്ന്​ നാരീശക്തി പുരസ്​കാര ജേതാക്കളുമായി പ്രധാനമന്ത്രി നരേന്ദ്രമോദി അദ്ദേഹത്തി​​​​​​​​െൻറ വസതിയിൽ ആശയവിനിമയം നടത്തും.

സ്​ത്രീശാക്തീകരണത്തിൽ സ്​തുത്യർഹമായ പ്രവർത്തനം കാഴ്​ചവെച്ച വ്യക്തികൾ, സംഘങ്ങൾ, സ്ഥാപനങ്ങൾ എന്നിവർക്ക്​ പ്രതിവർഷം നൽകിവരുന്ന ദേശീയ പുരസ്​കാരമാണ്​ നാരീശക്തി പുരസ്​കാരം​.