​​െഎ.​െഎ.ടി പരിശീലനത്തിന്​ നിർബന്ധിച്ചു; വിദ്യാർഥി സ്​കൂൾ കെട്ടിടത്തിൽ നിന്നും ചാടി മരിച്ചു

തെലങ്കാന: ​െഎ.​െഎ.ടി അടിസ്ഥാന പരിശീലനത്തിന്​ രക്ഷിതാക്കൾ നിർബന്ധിച്ചതിനെ തുടർന്ന്​ പതിനൊന്നുകാരൻ സ്​കൂൾ കെട്ടിടത്തിൽ നിന്നും ചാടി ആത്മഹത്യ ചെയ്​തു. തെലങ്കാനയിലെ കരിംനഗറിൽ വ്യാഴാഴ്​ച വൈകിട്ടാണ്​ സംഭവം. കരിംനഗറിലെ സിദ്ധാർത്ഥ ഹൈസ്​കൂളിൽ ഏഴാം ക്​ളാസ്​ വിദ്യാർത്ഥിയായ ശ്രീകറാണ്​  ആത്​മഹത്യ ചെയ്​തത്​. 

സ്​കൂൾ കെട്ടിടത്തി​​​െൻറ രണ്ടാം നിലയിലെ ക്​ളാസ്​ മുറിയിൽ കൂട്ടുകാരോടൊപ്പം ഇരുന്നിരുന്ന ശ്രീകർ പെട്ടന്ന്​ ഇടനാഴിയിലേക്ക്​ പോവുകയും അരമതിലിൽ കയറി താഴേക്ക്​ ചാടുകയുമായിരുന്നു. ഗുരുതരമായി പരിക്കേറ്റ ശ്രീകറിനെ അടുത്തുള്ള സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. 

ധർമറാമിലെ ഗൊള്ളാപല്ലി ഗ്രാമത്തിൽ താമസിക്കുന്ന ശശിധർ റെഡ്​ഢി– ശാരദാ ദമ്പതികളുടെ ഏക മകനാണ്​ ശ്രീകർ. പഠിക്കാൻ മിടുക്കനായ ശ്രീകറിന്​ ഏറ്റവും മികച്ച സൗകര്യങ്ങളും പരിശീലനവും നൽകാനാണ്​ തങ്ങൾ ശ്രമിച്ചതെന്ന്​ രക്ഷിതാക്കൾ പറഞ്ഞു. 
എഞ്ചിനിയറിങ് സ്വപ്​നം കണ്ടിരുന്ന ശ്രീകറി​ന്​ മികച്ച അവസരം ലഭിക്കുന്നതിനാണ്​ ​െഎ.​െഎ.ടി അടിസ്ഥാന പരിശീലനത്തിന്​ ചേരാൻ നിർബന്ധിച്ചത്​. എന്നാൽ പിന്നീട്​ അവന്​ പഠനത്തിൽ പിറകോട്ടുപോയിരുന്നു. മാനസികമായ സമ്മർദ്ദങ്ങൾ അവനെ അലട്ടിയിരുന്നതായും കർഷകനായ പിതാവ്​ ശ്രീധർ റെഡ്​ഢി പൊലീസിനെ അറിയിച്ചു. 
കുട്ടിയുടെ മൃതദേഹം പോസ്​മോർട്ടത്തിനുശേഷം കുടംബത്തിന്​ വിട്ടു നൽകി.