വിരമിച്ച കേണലി​െൻറ വീട്ടിൽ നിന്ന്​ ഒരു കോടി രൂപയും 117 കിലോ നീൽഗയ്​ ഇറച്ചിയും പിടിച്ചെടുത്തു

ലക്​നോ: വിരമിച്ച കേണലി​​െൻറ മീററ്റിലെ വീട്ടിൽ നിന്നും ഒരു കോടി രൂപയും 40 പിസ്​റ്റളുകളും 50,000 വെടിയുണ്ടകളും 117 കിലോ നീൽഗയ്​(നീലക്കാള) ഇറച്ചിയും പിടിച്ചെടുത്തു. ഡയറക്​ടറേറ്റ്​ ഒാഫ്​ റവന്യൂ ഇൻറലിജൻസ്​(ഡി.ആർ.​െഎ) നടത്തിയ ​പരിശോധനയിലാണ്​ ഇവ കണ്ടെടുത്തത്​. 

റിട്ടയേർഡ്​ കേണൽ പ്രശാന്ത്​ ബിഷ്​നോയിയുടെ വീട്ടിലാണ്​ പരിശോധന നടന്നത്​. പുലിത്തോലും ഇവിടെ നിന്ന്​ കണ്ടെടുത്തതായി റിപ്പോർട്ടുകളുണ്ട്​. 17മണിക്കൂർ നീണ്ട പരിശോധനയിലാണ്​ ഇവ കണ്ടെടുത്തത്​. ശനിയാഴ്​ച ഉച്ചക്ക്​ തുടങ്ങിയ പരിശോധന ഞായറാഴ്​ച പുലർച്ചെ മൂന്നു വരെ നീണ്ടു. ബിഷ്​നോയ്​ ഒളിവിലാണ്​. ദേശീയ നിലവാരത്തിലുള്ള ഷൂട്ടറാണ്​ പ്രശാന്ത്​ ബിഷ്​നോയ്​. 

ഡി.ആർ.​െഎയുടെയും വനവകുപ്പി​​െൻറയും   സംയുക്​ത പരിശോധനയിൽ ബിഷ്​നോയിയുടെ പിതാവ്​ റിട്ടയേർഡ്​ കേണൽ ദേവീന്ദ്ര കുമാറി​​െൻറ വീട്ടിൽ നിന്ന്​ മൃഗത്തോലും ആനക്കൊമ്പും കണ്ടെടുത്തിട്ടുണ്ട്​. അനധികൃത സ്വത്ത്​ സമ്പാദന ​കേസുമായി ബന്ധപ്പെട്ടാണ്​ പരിശോധന നടത്തിയത്​. 

നീലക്കാളയുടെ ഇറച്ചി റഫ്രിജറേറ്ററിൽ നിന്നാണ്​ ലഭിച്ചതെന്നും അവ പരിശോധനക്കായി അയച്ചിട്ടുണ്ടെന്നും ഫോറസ്​റ്റ്​ ഒാഫീസർ അറിയിച്ചു. വംശനാശ ഭീഷണിയുള്ള മൃഗമാണ്​ നീൽഗയ്. വന്യജീവി സംരക്ഷണ നിയമപ്രകാരം കേണലിനും മകനുമെതിരെ കേസെടുക്കുമെന്നും ഉദ്യോഗസ്​ഥർ അറിയിച്ചു.