ജോഷിമഠിൽ വാഹനാപകടത്തിൽ രണ്ട് സ്ത്രീകൾ ഉൾപ്പടെ 12 പേർ മരിച്ചു

ഡെറാഡൂൺ: ജോഷിമഠിൽ വാഹനാപകടത്തിൽ 12 പേർ കൊല്ലപ്പെട്ടു. ഉരാഗാം-പല്ല ജാക്കോള ഹൈവേയിലാണ് അപകടമുണ്ടായത്. അപകടത്തിൽ മൂന്ന് പേർക്ക് പരിക്കേറ്റു. അപകടത്തിൽ മരിച്ച 10 പേർ പുരുഷൻമാരും രണ്ട് പേർ സ്ത്രീകളുമാണ്.

ജില്ല മജിസ്ട്രേറ്റ് ഹിമാൻഷു ഖുറാന, എസ്.പി പ്രമാന​ന്ദ്ര ഡോവൽ, ദേശീയ ദുരന്തനിവാരണ സേന, സംസ്ഥാന ദുരന്തനിവാരണസേന എന്നിവർ സംഭവസ്ഥലത്തെത്തി. രക്ഷാപ്രവർത്തനം പുരോഗമിക്കുകയാ​ണെന്ന് അധികൃതർ അറിയിച്ചു.