അഴിമതി, ലൈംഗിക പീഡനം; 12 റവന്യു ഉദ്യോഗസ്ഥർക്ക്​ നിർബന്ധിത വിരമിക്കൽ

ന്യൂഡൽഹി: അഴിമതി, ലൈംഗിക പീഡനം തുടങ്ങിയ കുറ്റകൃത്യങ്ങൾ ആരോപിക്കപ്പെട്ട 12 മുതിര്‍ന്ന റവന്യു ഉദ്യോഗസ്ഥര്‍ നിര ്‍ബന്ധിത വിരമിക്കലിന്​ നിർദേശം​ കേന്ദ്ര ധനകാര്യമന്ത്രാലയം. ഉദ്യോഗസ്ഥതലത്തി​​െൽ ദുർഭരണവും അഴിമതിയും തുടച്ച ുമാറ്റുക എന്നത്​ ലക്ഷ്യമിട്ടാണ്​ കേന്ദ്രസർക്കാർ ഇത്തരമൊരു നീക്കത്തിന്​ ശ്രമിക്കുന്നത്​. കൈക്കൂലി, അനധികൃത സ്വത്ത്​ സമ്പാദനം, അഴിമതി, ലൈംഗിക പീഡനം തുടങ്ങിയ കുറ്റ കൃത്യങ്ങളിൽ ഉൾപ്പെട്ടിട്ടുള്ളവരെ നീക്കാൻ പൊതുധനകാര്യ നിയമത്തിൽ 56ാം റൂൾ പ്രകാരമാണ്​ നിർബന്ധിത വിരമിക്കലിന്​ ഉത്തരവിട്ടിരിക്കുന്നത്​. ഇതു സംബന്ധിച്ച സർക്കുലർ ധനകാര്യമന്ത്രാലയം തിങ്കളാഴ്​ച പുറത്തു​വിട്ടു.

ഇന്ത്യന്‍ റവന്യു സര്‍വ്വീസിൽ വിരമിക്കലിന് ഏഴ് പേര്‍ കമ്മീഷണര്‍മാരാണ്. ഒരു ജോയിന്റ് കമ്മീഷണറും മൂന്ന് അഡീഷണല്‍ കമ്മീഷണര്‍മാരും ഒരു അസിസ്റ്റൻറ്​ കമ്മീഷണറും വിരമിക്കുന്നവരില്‍ ഉള്‍പ്പെടും. റവന്യു വകുപ്പിലെ ഏറ്റവും ഉയര്‍ന്ന തസ്തികകളിലൊന്നാണ് കമ്മീഷണര്‍ പദവി. 12 പേരിൽ എട്ടുപേർ സി.ബി.ഐ അന്വേഷണം നേരിടുന്നവരാണ്​.

ആദായനികുതി വകുപ്പ് ജോയിൻറ്​ കമീഷണർ അശോക് അഗർവാൾ (ഐ.ആർ.എസ്, 1985), കമീഷണർ എസ്.കെ.ശ്രീവാസ്തവ (ഐ.ആർ.എസ്, 1989), റെവന്യു സർവീസ്​ ഉദ്യോഗസ്ഥൻ ഹോമി രാജ്​വ്​നാഷ്​(ഐ.ആർ.എസ്, 1985), ബി.ബി.രാജേന്ദ്ര പ്രസാദ്, അജോയ് കുമർ സിങ്, അലോക് കുമാർ മിത്ര, ചന്ദർ സൈനി ഭാരതി, അന്ദാസു രവീന്ദ്രർ, വിവേക് ബത്ര, ശ്വേതബ് സുമൻ, റാം കുമാർ ഭാർഗവ എന്നിവർക്കാണ് വിരമിക്കൽ നോട്ടിസ്.

പ്രമുഖ വ്യാപാരിക്ക്​ അഴിമതിക്ക്​ കൂട്ടുനിന്ന കേസിൽ അശോക്​ അഗർവാൾ 1999 മുതൽ 2014 വരെ സസ്​പെൻഷൻ നേരിട്ടിരുന്നു. അദ്ദേഹം 12 കോടിയിലധികം അനധികൃതമായി സമ്പാദിച്ചെന്നും കണ്ടെത്തിയെന്നും സി.ബി.ഐ കണ്ടെത്തിയിരുന്നു.

എസ്​.കെ ശ്രീവാസ്​തവ രണ്ട്​ വനിതാ ജീവനക്കാരെ പീഡിപ്പിച്ച കേസിൽ അന്വേഷണം നേരിടുന്ന വ്യക്തിയാണ്​. അനധികൃത സ്വത്ത് സമ്പാദന കേസിൽ 2009 മുതൽ സസ്പെൻഷനിലുള്ള ഉദ്യോഗസ്ഥനാണ് ഹോമി രാജ്‌വ്​നാഷ്. ഇദ്ദേഹം അഴിമതിയിലൂടെ 3.17 കോടിയുടെ സ്വത്ത്​ സമ്പാദിച്ചുവെന്ന്​ അന്വേഷണത്തിൽ കണ്ടെത്തിയിരുന്നു.

പത്തുവർഷമായി വകുപ്പുതല അന്വേഷണം നേരിടുന്ന ഉദ്യോഗസ്ഥർക്കെതിരെയാണ്​ നടപടി.