യു.പിയിൽ മനോവൈകല്യമുള്ള 12കാരിയെ തട്ടിക്കൊണ്ടുപോയി കൂട്ട ബലാത്സംഗം ചെയ്​തു

ലഖ്​നൗ: മനോവൈകല്യമുള്ള 12കാരിയെ കൂട്ട ബലാത്സംഗം ചെയ്​തു. ഉത്തർപ്രദേശിലെ ബാൻഡയിലാണ്​ സംഭവം. പ്രതികളെ തിരിച്ചറിഞ്ഞിട്ടില്ലെന്ന്​ പൊലീസ്​ പ്രതികരിച്ചു.

വ്യാഴാഴ്​ച രാത്രിമാതാപിതാക്കളോടൊപ്പം കല്യാണത്തിന്​ പോയ പെൺകുട്ടിയെ ചടങ്ങിനിടെ കാണാതായിരുന്നു. പിന്നീട്​ വെള്ളിയാഴ്​ച രാത്രി ബോധരഹിതയായ നിലയിൽ പെൺകുട്ടിയെ കണ്ടെത്തുകയായിരുന്നുന്നെന്ന്​ കോട്​വാലി പൊലീസ്​ സ്​റ്റേഷനിലെ ഉദ്യോഗസ്ഥൻ ഭാസ്​കർ മിശ്ര പറഞ്ഞു.

പെൺകുട്ടി ബലാത്സംഗത്തിനിരയായതായി വൈദ്യ പരിശോധനയിൽ തെളിഞ്ഞിട്ടുണ്ട്​. കേസ്​ രജിസ്​റ്റർ ചെയ്​തിട്ടുണ്ടെന്നും പ്രതികളെ കണ്ടെത്താൻ പരിശ്രമം തുടരുകയാണെന്നും പൊലീസ്​ പറഞ്ഞു.