യു.പിയിലെ പടക്ക സംഭരണശാലയിൽ സ്​ഫോടനം: 13 മരണം

ഭദോഹി: ഉത്തർപ്രദേശ്​ ഭദോഹി ജില്ലയിൽ ചൗരി ഏരിയയിലെ പടക്ക സംഭരണശാലയിലുണ്ടായ സ്​ഫോടനത്തിൽ 13പേർ മരിച്ചു. ആറുപ േർക്ക് ഗുരുതരമായി പരിക്കേറ്റു.​ കാർപെറ്റ്​ ഫാക്​ടറിയോട്​ ചേർന്നുള്ള മുറിയിൽ പടക്ക നിർമാണത്തിനായുള്ള വെടിമരുന്നുകൾ സൂക്ഷിച്ചിരുന്ന ഗോഡൗണിലാണ്​ സ്​ഫോടനമുണ്ടായത്​. സ്​ഫോടനത്തിൽ കെട്ടിടം മുഴുവനായി തകർന്നു.

സമീപപ്രദേശത്തുള്ള മൂന്ന്​ വീടുകളും തകർന്നിട്ടുണ്ട്​. കെട്ടിടാവശിഷ്​ടങ്ങളിൽ കൂടുതൽ പേർ കുടുങ്ങികിടക്കുന്നതായി സംശയിക്കുന്നു. രക്ഷാപ്രവർത്തനം തുടരുകയാണ്​.

മരിച്ചവരിൽ അധികം പേരും പശ്ചിമബംഗാളിലെ മാൾഡ ജില്ലയിൽ നിന്നുള്ള നെയ്​ത്തു തൊഴിലാളികളാണ്.​ ​ കെട്ടിടത്തി​​​​െൻറ ഉടമയും മകനും അപകടത്തിൽ മരിച്ചതായാണ്​ റിപ്പോർട്ട്​.