135 വർഷം പഴക്കമുള്ള വാറങ്കൽ ​ജയിൽ സൂപ്പർ സ്​പെഷാലിറ്റി ആശു​പത്രിയാക്കും

ഹൈദരാബാദ്​: തെലങ്കാനയിൽ 135 വർഷം പഴക്കമുള്ള ജയിൽ സൂപ്പർ സ്​പെഷാലിറ്റി ആശുപത്രിയാക്കും. വാറങ്കൽ സെൻട്രൽ ജയിലിൽ ഒരു വർഷത്തിനുള്ളിൽ ആശുപത്രി നിർമിക്കാനാണ്​ തീര​ുമാനം. കോവിഡ്​ പശ്ചാത്തലത്തിൽ കഴിഞ്ഞമാസം ​ജയിൽ സന്ദർശിച്ച തെലങ്കാന മുഖ്യമന്ത്രി കെ. ചന്ദ്രശേഖർ റാവു ജയിൽ ആശുപത്രിയാക്കിമാറ്റാൻ തീരുമാനിക്കുകയായിരുന്നു. തുടർന്ന്​ ഞായറാഴ്ച മന്ത്രിസഭ അംഗീകാരം നൽകി.

966ഓളം തടവുകാരാണ്​ ജയിലിൽ കഴിയുന്നത്​. ആദ്യഘട്ടത്തിൽ 119 തടവുകാരെ മറ്റൊരു ജയിലിലേക്ക്​ മാറ്റി. സുരക്ഷപ്രശ്​നം പരിഗണിച്ച്​ ഘട്ടം ഘട്ടമായാണ്​ തടവുകാരെ മറ്റു ജയിലുകളിലേക്ക്​ മാറ്റുന്നത്​. വെള്ള വസ്​ത്രമണിഞ്ഞ തടവുകാർ തങ്ങളുടെയും കിടക്കയും തുണിയും ബക്കറ്റും മറ്റു വസ്​തുക്കളുമായി പൊലീസ്​ സുരക്ഷയിൽ ജയിലിന്​ പുറത്ത്​ വാഹനത്തിനായി കാത്തിരിക്കുന്ന ചിത്രങ്ങൾ വൻതോതിൽ പ്രചരിച്ചു.

ആദ്യഘട്ടത്തിൽ 39 അടക്കം 119 തടവുകാരെയാണ്​ മറ്റു ജയിലുകളിലേക്ക്​ മാറ്റിയത്​. മൂന്നുമണിക്കൂർ യാത്രക്കുശേഷം തടവുകാരെ ഹൈദരബാദിലെ ചെർലാപള്ളി ജയിലി​െലത്തിച്ചു. സ്​ത്രീകളെ വനിത ജയിലി​േലക്കും മാറ്റി.

രാഷ്​ട്രീയ തടവുകാർ ഉൾപ്പെടെയുള്ള 966 തടവുകാരെ മറ്റു ജയിലുകളിലേക്ക്​ മാറ്റും. ഒരു മാസത്തിനുള്ളിലാണ്​ ഒഴിപ്പിക്കൽ. 69 ഏക്കറിലാണ്​ ജയിൽ സ്​ഥിതിചെയ്യുന്നത്. തടവുകാരെ മറ്റിടങ്ങളിലേക്ക്​ മാറ്റുന്നത്​ വൻ വെല്ലുവിളിയാണെന്ന്​ തെലങ്കാന ജയിൽ ഡി.ജി രാജീവ്​ ത്രിവേദി പറഞ്ഞു.