തമിഴ്നാട്ടിൽ ജെല്ലിക്കെട്ട് കാണാനെത്തിയ 14കാരനെ കാള കുത്തിക്കൊന്നു

ചെന്നൈ: തമിഴ്നാട്ടിൽ ജെല്ലിക്കെട്ട് കാണാനെത്തിയ 14കാരനെ കാളക്കുത്തി കൊന്നു. ധർമ്മപുരി ജില്ലയിലെ താഡാംഗം ഗ്രാമത്തിലാണ് സംഭവമുണ്ടായത്.

ഗോകുൽ കുടുംബാംഗങ്ങളോടൊപ്പമാണ് ജല്ലിക്കെട്ട് കാണാനെത്തിയത്. ഇതിനിടെയാണ് സംഭവമുണ്ടായത്. വയറ്റിൽ കാളയുടെ കുത്തേറ്റ ഗോകുലിനെ ഉടൻ സമീപത്തെ സർക്കകാർ ആശുപത്രിയിൽ പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. ജെല്ലി​ക്കെട്ടിനിടെ ഈ സീസണിൽ മരിക്കുന്ന നാലാ​മത്തെയാളാണ് ഗോകുൽ.

തമിഴ്നാട്ടിലെ വിളവെടുപ്പ് ഉത്സവമായ പൊങ്കലിനോട് അനുബന്ധിച്ചാണ് ജെല്ലിക്കെട്ട് നടത്താറുള്ളത്. ​നാലാം ദിവസം നടക്കുന്ന മാട്ടുപൊങ്കലിലാണ് ജെല്ലിക്കെട്ട് നടക്കാറുള്ളത്. പൊങ്കലിന്റെ നാലാം ദിവസമായ മാട്ടുപൊങ്കൽ ദിനത്തിലാണ് ​ജെല്ലിക്കെട്ട് നടക്കുക.