ഇൻറർനെറ്റ്​ നിരോധനം നീക്കിയിട്ടും കശ്​മീരിൽ വെബ്​സൈറ്റുകളുടെ നിരോധനം തുടരുന്നു

ശ്രീനഗർ: ജമ്മു കശ്​മീരി​​െൻറ പല ഭാഗങ്ങളിലും ഇൻറർനെറ്റ്​ സേവനങ്ങൾ പുനഃസ്ഥാപിച്ചിട്ടും വെബ്​സൈറ്റുകളുടെ നിര ോധനം തുടരുന്നതായി റിപ്പോർട്ട്​. ഇമെയിൽ, വിദ്യാഭ്യാസം, ബാങ്കിങ്​, ട്രാവൽ, ജോലി തുടങ്ങിയവയുമായി ബന്ധപ്പെട്ട വെബ്​സൈറ്റുകൾ നിരോധിച്ചവയിൽ ഉൾപ്പെടും. ഏകദേശം 153 പ്രമുഖ വെബ്​സൈറ്റുകൾക്ക്​ വിലക്ക്​ തുടരുന്നുവെന്നാണ്​ റിപ്പോർട്ട്​.

ഹോട്ട്​സ്​റ്റാർ, സോണി ലെവ്​, എയർടെൽ ടി.വി പോലുള്ള വാർത്താ ചാനലുകൾ ലഭ്യമാവുന്ന വെബ്​സൈറ്റുകൾ ബ്ലോക്ക്​ ചെയ്​തവയിൽ ഉൾപ്പെടുന്നു. യു.ഐ.ഡി.എ.ഐ, പാസ്​പോർട്ട്​ ഓഫീസ്​, ആദായ നികുതി വകുപ്പ്​ തുടങ്ങിയ സർക്കാർ സ്ഥാപനങ്ങളുടെ വെബ്​സൈറ്റുകളും നിരോധിച്ചിട്ടുണ്ട്​.

കശ്​മീരി​​െൻറ പല ഭാഗങ്ങളിലും 2 ജി ഇൻറർനെറ്റ്​ സേവനമാണ്​ ശനിയാഴ്​ച പുനഃസ്ഥാപിച്ചത്​. ജമ്മു ഡിവിഷണിലെ 10 ജില്ലകളിലും കശ്​മീർ താഴ്​വരയിലെ കുപ്​വാര, ബന്ദിപോര ജില്ലകളിലുമാണ്​ ഇൻറർനെറ്റ്​ പുനഃസ്ഥാപിച്ചത്​.