കൗമാരത്തി​ലേ കൈനിറയെ റെക്കോഡുകൾ; 16കാരൻ പയ്യന്​ ഓണററി ഡോക്​ടറേറ്റ്​ നൽകി ഡൽഹി വാഴ്​സിറ്റി കോളജ്​

ന്യൂഡൽഹി: കലയിൽ നൂറല്ല, നൂറായിരം മേനി വിളയിച്ച കൗമാരക്കാരന്​ ഇളംപ്രായത്തിൽ എത്തിപ്പിടിക്കാനാവാത്ത മഹാപുരസ്​കാരം നൽകി ആദരിച്ച്​ പ്രമുഖ യൂനിവേഴ്​സിറ്റി കോളജ്​ . പ്രായമല്ല, മിടുക്കാണ്​ വിഷയമെന്ന്​ ലോകത്തെ പഠിപ്പിച്ചാണ്​ ഗുജറാത്തിലെ സൂറത്തുകാരൻ പയ്യൻ ഷമക്​ അഗർവാൾ ഡോക്​ടറേറ്റുമായി ചരിത്രത്തിലേക്ക്​ നടന്നുകയറിയത്​. കലയിൽ നിരവധി റെക്കോഡുകൾ ഇതിനകം സ്വന്തം പേരിലാക്കിയ ഗുജറാത്തിലെ സൂറത്തുകാരൻ പയ്യനിപ്പോൾ ഏറ്റവും പ്രായകുറഞ്ഞ ഡോക്​ടറേറ്റുകാരൻ കൂടിയാണ്​​.

കഴിഞ്ഞ ഏപ്രിലിൽ ഇന്ത്യ ബുക്ക്​ ഓഫ്​ റെക്കോഡ്​സിൽ കയറിപ്പറ്റിയ പയ്യനെ തേടി വേൾഡ്​ ബുക്ക്​ ഓഫ്​ റെക്കോഡ്​സും ഇന്‍റർനാഷനൽ ബുക്ക്​ ഓഫ്​ റെക്കോഡ്​സുമെത്തി. ഈ വർഷത്തെ ബാല രത്​ന പുരസ്​കാരവും സമ്മാനിക്കപ്പെട്ടു.

ഏറ്റവും വേഗത്തിൽ പൂർത്തിയാക്കിയ ഡ്രോയിങ്​, സ്​കെച്ചസ്​ റെക്കോഡിന്​ പുറമെ ​േഗ്ലാബൽ കിഡ്​സ്​ അച്ചീവേഴ്​സ്​ അവാർഡ്​ ഉൾപെടെ മറ്റ്​ ഒമ്പത്​ റെക്കോഡുകൾ കൂടി ഷമകിന്‍റെ പേരിലുണ്ട്​. രണ്ടാം ക്ലാസ്​ മുതൽ രചനകളിൽ ശ്രദ്ധയുണ്ടായിരുന്നുവെങ്കിലും അധ്യാപകർ ​പിന്തിരിപ്പിച്ചതിനെ തുടർന്ന്​ നേട്ടങ്ങൾ എത്തിപ്പിടിക്കാൻ വൈകുകയായിരുന്നു.

ഒടുവിൽ അവിടെ സാന്നിധ്യം തെളിയിച്ചതോടെ ആദരങ്ങളും അതിവേഗം അവനെ തേടിയെത്തി.

ബിസിനസ്​ കുടുംബാംഗമായ ഷമക്​ സ്​കെച്ചിങ്​ മിടുക്കുമായി ഇതിനകം ഏറെ ലോക ശ്രദ്ധ നേടിയ കൗമാരക്കാരനാണ്​. വിദ്യാർഥികൾക്ക്​ ഇൗ മേഖലയിൽ സൗജന്യ ക്ലാസുകളും ഷമക്​ നൽകിവരുന്നുണ്ട്​.