മധ്യപ്രദേശിൽ 18കാരിയെ ഏഴുപേർ ചേർന്ന്​ ബലാത്സംഗം ചെയ്​തു

ബെടുൽ: മധ്യപ്രദേശിൽ 18 വയസുകാരിയെ ഏഴുപേർ ചേർന്ന്​ ബലാത്സംഗം ചെയ്​തു. പ്രായപൂർത്തിയാകാത്ത മൂന്ന്​ പേരടക്കം അഞ്ച്​ പേർ പിടിയിലായപ്പോൾ രണ്ടുപേർ ഓടിരക്ഷപ്പെട്ടതായി കോട്​വാലി പൊലീസ്​ സ്​റ്റേഷൻ ഉദ്യോഗസ്​ഥൻ രാജേന്ദ്ര ദുർവേ പറഞ്ഞു. 

21വയസുകാരനായ സഹോദരനൊപ്പം ബുധനാഴ്​ച രാത്രി ഗ്രാമത്തിലേക്ക്​ ബൈക്കിൽ മടങ്ങുന്നതിനിടെയാണ്​ സംഭവം. സഹോദരനെ കിണറ്റിൽ തള്ളി വീഴ്​ത്തിയ ശേഷമായിരുന്നു ക്രൂര കൃത്യം. 

പ്രതികൾ മടങ്ങിയശേഷം സഹോദരനെ രക്ഷപെടുത്തിയ പെൺകുട്ടി രാവിലെ സ്​റ്റേഷനിലെത്തിയാണ്​ കേസ്​ രജിസ്​റ്റർ ചെയ്​തത്​. ബലാത്സംഗം, തട്ടിക്കൊണ്ട്​ പോകൽ, വധശ്രമം എന്നീ കുറ്റങ്ങളാണ്​ പ്രതികൾക്ക്​ മേൽ ചുമത്തിയത്​.