തുരങ്കമുഖത്തെത്തിയത് 19 ഏജൻസികൾ; രക്ഷാദൗത്യത്തിനിറക്കിയത് മൂന്നു സംഘങ്ങളെ

സി​ൽ​ക്യാ​ര (ഉ​ത്ത​ര​കാ​ശി): 17ദി​വ​സ​മാ​യി സി​ൽ​ക്യാ​ര തു​ര​ങ്ക​ത്തി​ന​ക​ത്ത് ക​ഴി​യു​ന്ന തൊ​ഴി​ലാ​ളി​ക​ളെ ര​ക്ഷി​ക്കാ​ൻ ഉ​ത്ത​ര​കാ​ശി​യി​ലെ സി​ൽ​ക്യാ​ര തു​ര​ങ്ക​മു​ഖ​ത്ത് എ​ത്തി​യ​ത് 19 ഏ​ജ​ൻ​സി​ക​ൾ. എ​ന്നാ​ൽ, നി​ർ​മാ​ണ ക​മ്പ​നി​യാ​യ ‘ന​വ​യു​ഗ’ താ​ൽ​പ​ര്യ​പ്പെ​ട്ട മൂ​ന്ന് ഏ​ജ​ൻ​സി​ക​ൾ​ക്ക് മാ​ത്ര​മേ ര​ക്ഷാ​ദൗ​ത്യ​ത്തി​ൽ പ​ങ്കാ​ളി​ക​ളാ​കാ​ൻ പ്ര​ധാ​ന​മ​ന്ത്രി​യു​ടെ ഓ​ഫി​സും ഉ​ത്ത​രാ​ഖ​ണ്ഡ് സ​ർ​ക്കാ​റും അ​​നു​മ​തി ന​ൽ​കി​യു​ള്ളൂ.

ക​മ്പ​നി​യു​ടെ താ​ൽ​പ​ര്യം മാ​ത്രം പ​രി​ഗ​ണി​ച്ച​തോ​ടെ ഇ​ന്ത്യ​ൻ ക​ര​സേ​ന, കോ​ൾ ഇ​ന്ത്യ തു​ട​ങ്ങി ര​ക്ഷാ​ദൗ​ത്യ​ത്തി​ൽ വൈ​ദ​ഗ്ധ്യ​വും വേ​ഗ​വും തെ​ളി​യി​ച്ച നി​ര​വ​ധി ഏ​ജ​ൻ​സി​ക​ൾ​ക്ക് കാ​ഴ്ച​ക്കാ​രാ​യി നോ​ക്കി​നി​ൽ​ക്കേ​ണ്ടി വ​ന്നു; ര​ക്ഷാ​ദൗ​ത്യ​ത്തി​ന് വ​ന്ന മ​ല​യാ​ളി​ക​ൾ അ​ട​ക്ക​മു​ള്ള ര​ക്ഷാ​പ്ര​വ​ർ​ത്ത​ക​രും നി​രാ​ശ​രാ​യി. ഒ​രു ദു​ര​ന്ത​സ്ഥ​ല​ത്തേ​ക്ക് വി​ളി​ച്ചു​വ​രു​ത്തി ഇ​ന്ത്യ​ൻ സേ​ന​യെ കാ​ഴ്ച​ക്കാ​രാ​ക്കി നി​ർ​ത്തി​യ​ത് ഇ​താ​ദ്യ സം​ഭ​വ​മാ​ണ്. നി​ര​വ​ധി മ​ല​യാ​ളി, ത​മി​ഴ് എ​ൻ​ജി​നീ​യ​ർ​മാ​ർ അ​ട​ങ്ങു​ന്ന മ​ദ്രാ​സ് എ​ൻ​ജി​നീ​യ​റി​ങ് ഗ്രൂ​പ്പി​നെ​യാ​ണ് ക​ര​സേ​ന സി​ൽ​ക്യാ​ര​യി​ലേ​ക്ക് അ​യ​ച്ചി​രു​ന്ന​ത്. കേ​വ​ലം 60 മീ​റ്റ​ർ കു​മി​ഞ്ഞു​കൂ​ടി​യ അ​വ​ശി​ഷ്ട​ങ്ങ​ൾ​ക്ക​പ്പു​റ​ത്തു​ള്ള​വ​രെ മൂ​ന്ന് ദി​വ​സ​ത്തി​ന​കം പു​റ​ത്തെ​ത്തി​ക്കാ​മെ​ന്ന് അ​വ​ർ അ​റി​യി​ച്ചെ​ങ്കി​ലും പ്ര​തി​രോ​ധ മ​ന്ത്രാ​ല​യം അ​നു​മ​തി ന​ൽ​കി​യി​ല്ല. പി​ന്നീ​ട് തു​ര​ങ്ക​ത്തി​ന​ക​ത്ത് പോ​യി ര​ക്ഷാ​ദൗ​ത്യം ക​ണ്ടു​​വ​രാ​ൻ മാ​ത്രം അ​നു​മ​തി ന​ൽ​കി. ഖ​നി തു​ര​ക്കു​ന്ന​തി​ൽ വൈ​ദ​ഗ്ധ്യ​മു​ള്ള തൊ​ഴി​ലാ​ളി​ക​ളും എ​ൻ​ജി​നീ​യ​ർ​മാ​രു​മു​ള്ള കോ​ൾ ഇ​ന്ത്യ സം​ഘ​​ത്തി​നും അ​നു​മ​തി ന​ൽ​കി​യി​ല്ല.

ദേ​ശീ​യ ദു​ര​ന്ത നി​വാ​ര​ണ​സേ​ന​യെ​യും അ​ടു​പ്പി​ച്ചി​ല്ല. നി​ർ​മാ​താ​ക്ക​ളാ​യ ‘ന​വ​യു​ഗ’ സ്വ​ന്തം നി​ല​ക്ക് ന​ട​ത്തി​യ ര​ക്ഷാ​ദൗ​ത്യ​ത്തി​ൽ ട്ര​ഞ്ച്ലെ​സ് ടെ​ക്നോ​ള​ജീ​സ്, ധ​ര​ണി എ​ന്നീ സ്വ​കാ​ര്യ ക​മ്പ​നി​ക​ളും സം​സ്ഥാ​ന ദു​ര​ന്ത​നി​വാ​ര​ണ സേ​ന​യെ​യു​മാ​ണ് തു​ട​ക്കം മു​ത​ൽ പ​ങ്കാ​ളി​ക​ളാ​ക്കി​യ​ത്. ര​ക്ഷാ​ദൗ​ത്യം പാ​ളി​യെ​ന്ന് ക​ണ്ട​പ്പോ​ൾ മാ​ത്ര​മാ​ണ് ഒ.​എ​ൻ.​ജി.​സി​യെ ഒ​പ്പം​കൂ​ട്ടി​യ​ത്.