മധ്യപ്രദേശിൽ ട്രെയിൻ തട്ടി രണ്ട് ആർ.പി.എഫ് ഉദ്യോഗസ്ഥർ മരിച്ചു

ഭോപ്പാൽ: മധ്യപ്രദേശിലെ മൊറേന ജില്ലയിൽ രണ്ട് ആർ.പി.എഫ് കോൺസ്റ്റബിൾമാർ ട്രെയിൻ തട്ടി മരിച്ചു. ഹെഡ് കോൺസ്റ്റബിൾമാരായ അശോക് കുമാർ (56), നവരാജ് സിങ് (40) എന്നിവരാണ് മരിച്ചത്.

സാങ്ക് റെയിൽവേ സ്റ്റേഷനിൽ നിർത്തിയിട്ടിരുന്ന ഗ്വാളിയോർ-ആഗ്രാ പാസഞ്ചർ ട്രെയിനുകൾ പരിശോധിക്കാൻ പോകവെ ഡൽഹിയിൽ നിന്ന് വന്ന തുരന്തോ എക്‌സ്പ്രസ് ഇവരെ ഇടിക്കുകയായിരുന്നുവെന്ന് ഉദ്യോഗസ്ഥനായ ഹരികിഷൻ മീന പറഞ്ഞു.

മറുവശത്തെ ട്രാക്കിൽ ഒരു ചരക്ക് ട്രെയിൻ നിർത്തിയിട്ടിരുന്നതിനാൽ ഇവർക്ക് സുരക്ഷിത സ്ഥാനത്തേക്ക് ഓടി രക്ഷപെടാൻ കഴിഞ്ഞില്ലെന്ന് അദ്ദേഹം പറഞ്ഞു.