ജ​മ്മു-​ക​ശ്മീ​രി​ൽ ഭീ​ക​ര​രു​മാ​യി ഏ​റ്റു​മു​ട്ട​ൽ; മ​ര​ണം മൂ​ന്നാ​യി

ശ്രീ​ന​ഗ​ർ: ജ​മ്മു -ക​ശ്മീ​രി​ൽ ഭീ​ക​ര​രു​മാ​യു​ണ്ടാ​യ ഏ​റ്റു​മു​ട്ട​ലി​ൽ ഒ​രു സാ​ധാ​ര​ണ​ക്കാ​ര​ൻ​കൂ​ടി കൊ​ല്ല​പ്പെ​ട്ട​തോ​ടെ മ​ര​ണം മൂ​ന്നാ​യി. ശ​നി​യാ​ഴ്ച​യു​ണ്ടാ​യ ഏ​റ്റു​മു​ട്ട​ലി​ൽ സൈ​നി​ക​രാ​യ ഹ​വി​ൽ​ദാ​ർ ദീ​പ​ക് കു​മാ​ർ യാ​ദ​വ്, ലാ​ൻ​സ് നാ​യി​ക് പ്ര​വീ​ൺ ശ​ർ​മ എ​ന്നി​വ​ർ വീ​ര​മൃ​ത്യു വ​രി​ച്ചി​രു​ന്നു. പ​രി​ക്കേ​റ്റ് ചി​കി​ത്സ​യി​ലാ​യി​രു​ന്ന അ​ബ്ദു​ൽ റ​ഷീ​ദ് ദാ​ർ എ​ന്ന​യാ​ളാ​ണ് ഞാ​യ​റാ​ഴ്ച മ​രി​ച്ച​ത്.

അ​ന​ന്ത്നാ​ഗ് ജി​ല്ല​യി​ലെ ഗ​ഗ​ർ​മ​ൻ​ഡു വ​ന​മേ​ഖ​ല​യി​ൽ ഭീ​ക​ര​രു​ടെ സാ​ന്നി​ധ്യ​മു​ണ്ടെ​ന്ന വി​വ​ര​ത്തി​ന്റെ അ​ടി​സ്ഥാ​ന​ത്തി​ൽ സൈ​നി​ക​രും ലോ​ക്ക​ൽ പൊ​ലീ​സും ഉ​ൾ​പ്പെ​ടു​ന്ന സം​യു​ക്ത സം​ഘം തി​ര​ച്ചി​ൽ ന​ട​ത്തു​മ്പോ​ൾ ഇ​വ​ർ​ക്കു​നേ​രെ വെ​ടി​വെ​പ്പു​ണ്ടാ​വു​ക​യാ​യി​രു​ന്നു. നാ​ല് സൈ​നി​ക​ർ​ക്കും ഒ​രു സാ​ധാ​ര​ണ​ക്കാ​ര​നും പ​രി​ക്കേ​റ്റി​ട്ടു​മു​ണ്ട്. മേ​ഖ​ല​യി​ൽ സേ​ന​യെ വി​ന്യ​സി​ച്ചി​ട്ടു​ണ്ടെ​ന്നും ഭീ​ക​ര​രെ പി​ടി​കൂ​ടാ​നു​ള്ള ശ്ര​മം ന​ട​ന്നു​വ​രി​ക​യാ​ണെ​ന്നും അ​ധി​കൃ​ത​ർ വ്യ​ക്ത​മാ​ക്കി.

സ​മു​ദ്ര​നി​ര​പ്പി​ൽ​നി​ന്ന് 10,000 അ​ടി​യി​ല​ധി​കം ഉ​യ​ര​ത്തി​ൽ അ​ടി​ക്കാ​ടു​ക​ളും വ​ലി​യ പാ​റ​ക്ക​ല്ലു​ക​ളും നി​റ​ഞ്ഞ പ്ര​ദേ​ശ​ത്ത് തി​ര​ച്ചി​ൽ ശ്ര​മ​ക​ര​മാ​ണ്. ജൂ​ലൈ 15ന് ​ദോ​ഡ ജി​ല്ല​യി​ൽ ക്യാ​പ്റ്റ​ൻ ഉ​ൾ​പ്പെ​ടെ നാ​ല് സൈ​നി​ക​രു​ടെ മ​ര​ണ​ത്തി​ൽ ക​ലാ​ശി​ച്ച ഏ​റ്റു​മു​ട്ട​ലി​നു​ശേ​ഷം സു​ര​ക്ഷാ​സേ​ന കോ​ക്ക​ർ​നാ​ഗി​ലെ കാ​ടു​ക​ളി​ൽ തി​ര​ച്ചി​ൽ ശ​ക്ത​മാ​ക്കി​യി​രു​ന്നു. ദോ​ഡ​യി​ൽ​നി​ന്ന് ര​ക്ഷ​പ്പെ​ട്ട​വ​രാ​ണ് അ​ന​ന്ത്നാ​ഗി​ൽ എ​ത്തി​യ​തെ​ന്നാ​ണ് സൂ​ച​ന.

മ​​റ്റൊ​രു സം​ഭ​വ​ത്തി​ൽ ഞാ​യ​റാ​ഴ്ച പു​ല​ർ​ച്ച ജ​മ്മു -ക​ശ്മീ​രി​ലെ കി​ഷ്ത്വാ​ർ ജി​ല്ല​യി​ലെ വ​ന​ത്തി​ൽ സു​ര​ക്ഷാ സേ​ന​യും ഭീ​ക​ര​രും ത​മ്മി​ൽ ഏ​റ്റു​മു​ട്ട​ലു​ണ്ടാ​യ​താ​യി അ​ധി​കൃ​ത​ർ അ​റി​യി​ച്ചു. നൗ​ന​റ്റ, നാ​ഗേ​നി പെ​യാ​സ്, സ​മീ​പ പ്ര​ദേ​ശ​ങ്ങ​ൾ എ​ന്നി​വി​ട​ങ്ങ​ളി​ൽ സൈ​ന്യ​വും അ​ർ​ധ​സൈ​നി​ക വി​ഭാ​ഗ​വും പൊ​ലീ​സി​ന്റെ സ​ഹാ​യ​ത്തോ​ടെ തി​ര​ച്ചി​ൽ ആ​രം​ഭി​ച്ച​പ്പോ​ഴാ​ണ് വെ​ടി​വെ​പ്പു​ണ്ടാ​യ​ത്. കൂ​ടു​ത​ൽ സൈ​നി​ക​രെ​ത്തി ഭീ​ക​ര​രെ പി​ടി​കൂ​ടാ​നു​ള്ള ദൗ​ത്യ​ത്തി​ലാ​ണ്.