ബാരാമുല്ലയിൽ പാക്​ വെടിവെപ്പ്​: പരിക്കേറ്റ രണ്ട്​ സൈനികർ മരിച്ചു

ശ്രീനഗർ: ജമ്മു കശ്​മീരിലെ  നിയന്ത്രണ രേഖയിൽ വെടിനിർത്തൽ കരാർ ലംഘിച്ച്​ പാകിസ്​താൻ നടത്തിയ വെടിവെപ്പിൽ പരിക്കേറ്റ രണ്ട്​ ഇന്ത്യൻ സൈനികർ മരിച്ചു. ബാരാമുള്ളയിലെ രാംപുർ സെക്​ടറിൽ വെള്ളിയാഴ്​ച വൈകീട്ടാണ്​ പാക്​ വെടിവെപ്പുണ്ടായത്​​.  പരിക്കേറ്റ സൈനികരെ ആശുപത്രിയിലെത്തിച്ച്​ അടിയന്തര ചികിത്സ നൽകിയെലങ്കിലും രണ്ട്​ പേർ മരിച്ചു.

പ്രകോപനമില്ലാതെ പാക്​ സൈനികർ വെടിയുതിർത്തത്  ഇന്ത്യൻ പോസ്​റ്റുകൾക്ക്​ നേ​െര ​ആക്രമണം നടത്തുകയായിരുന്നു. ഉടൻ ഇന്ത്യൻ സൈന്യം പ്രത്യാക്രമണം നടത്തി.

ഏപ്രിൽ 30 ന്​ പൂഞ്ചിലും പ്രകോപനമില്ലാതെ പാക്​ സൈന്യം ഷെല്ലാക്രമണവും വെടിവെപ്പും നടത്തിയിരുന്നു. ഏപ്രിൽ 29ന്​ പൂഞ്ച്​ ജില്ലയിലെ മൻകോട്ടിലും മെന്ദറിലും പാകിസ്​താൻ ആക്രമണം നടത്തിയതായി റിപ്പോർട്ടുണ്ട്​.