ഇന്ത്യയിൽ നൈട്രജൻ ഡയോക്സൈഡിന്‍റെ അളവ് ഉയരുന്നതായി നാസ പഠനം

ചൈനയിലെ നൈട്രജൻ ഡയോക്സൈഡിന്‍റെ അളവ് കാണിക്കുന്ന ചിത്രം

 

മലിനീകരണം ഉണ്ടാക്കുന്ന വാതകമായ നൈട്രജൻ ഡയോക്സൈഡ് പുറത്തുവിടുന്നതിൽ ചൈന, അമേരിക്ക, യൂറോപ്യൻ യൂണിയൻ എന്നീ രാജ്യങ്ങളാണ് മുന്നിലുള്ളത്. ഫോസിൽ ഇന്ധനങ്ങളുടെ ജ്വലനത്തിലൂടെ അന്തരീക്ഷത്തിലേക്ക് പുറന്തള്ളപ്പെടുന്ന വാതകമാണ് നൈട്രജൻ ഡയോക്സൈഡ്. വാഹനങ്ങളും വ്യവസായശാലകളും വൻതോതിലാണ് ഈ വാതകം പുറന്തള്ളുന്നത്.

യു.എസിലെ നൈട്രജൻ ഡയോക്സൈഡിന്‍റെ അളവ് കാണിക്കുന്ന ചിത്രം

 

ഭൂമിയിലെ വിവിധ പ്രദേശത്തെ അന്തരീക്ഷത്തിലെ നൈട്രജൻ ഡയോക്സൈഡിന്‍റെ അളവ് ചുവപ്പ് നിറത്തിൽ നാസ പുറത്തിറക്കിയ പട്ടികയിൽ ദൃശ്യമാണ്. 2005 മുതൽ 2010 വരെയുള്ള കാലയളവിൽ അമേരിക്കയും യൂറോപ്യൻ യൂണിയനും മലിനീകരണ വാതകം പുറത്തുവിടുന്നത് കുറച്ചിട്ടുണ്ട്. ചൈനയിലെ ബീജിങ്, ഷാങ്ഹായ് പോലുള്ള നഗരങ്ങളിൽ വാതകം പുറന്തള്ളുന്നത് കുറഞ്ഞെങ്കിലും രാജ്യത്തെ മറ്റ് നഗരങ്ങളിൽ കുറവ് വന്നിട്ടില്ല. 20 മുതൽ 50 ശതമാനം വരെയാണ് മലനീകരണത്തിന്‍റെ വർധനവ്.

പശ്ചിമേഷ്യയിലെ നൈട്രജൻ ഡയോക്സൈഡിന്‍റെ അളവ് കാണിക്കുന്ന ചിത്രം

 

മധ്യേഷ്യയിൽ സിറിയ ഉൾപ്പെടുന്ന മേഖലയിൽ നൈട്രജൻ ഡയോക്സൈഡിന്‍റെ പുറന്തള്ളൽ കുറയാൻ കാരണം ജനസംഖ്യയുടെ കുറവും ആഭ്യന്തര യുദ്ധവുമാണെന്ന് പഠനം ചൂണ്ടിക്കാട്ടുന്നു.