തീവ്രവാദ സംഘടനയിൽ ചേരാൻ ശ്രമം: മൂന്നു പേർ കസ്​റ്റഡിയിൽ

ഹൈദരാബാദ്: തീവ്രവാദ സംഘടനയായ ഐ.എസിൽ ചേരാൻ പദ്ധതിയിട്ടെന്ന് സംശയമുള്ള ഹൈദരാബാദ് സ്വദേശികളായ മൂന്ന് വിദ്യാർഥികൾ പിടിയിൽ. മഹാരാഷ്ട്ര ഭീകരവിരുദ്ധ സെല്ലും തെലുങ്കാന പൊലീസും സംയുക്തമായി നടത്തിയ ഒാപറേഷനിലാണ് ഇവർ കുടുങ്ങിയത്.

ജമ്മു കശ്മീരിലെ ശ്രീനഗറിലേക്ക് പോകുവാനായി നാഗ്പുർ ബാബാ സാഹേബ് രാജ്യാന്തര വിമാനത്താവളത്തിൽ എത്തിയപ്പോഴാണ് സംഘത്തെ പിടികൂടുന്നത്. ഇവരിൽ രണ്ടുപേർ അഫ്ഗാനിസ്താനിലേക്ക് കടക്കുവാൻ പദ്ധതിയിട്ടതായി രഹസ്യാന്വേഷണ വിഭാഗം കണ്ടെത്തി. മൂന്നു പേരും അവസാന വർഷ ബിരുദ വിദ്യാർഥികളാണ്.