പ്രോവിഡന്‍റ് ഫണ്ടിലെ 2322 കോടി ഓഹരി വിപണിയില്‍

ന്യൂഡല്‍ഹി: എംപ്ളോയീസ് പ്രോവിഡന്‍റ് ഫണ്ട് നിധിയിലെ (ഇ.പി.എഫ്.ഒ) 2322 കോടി ഓഹരി വിപണിയില്‍ നിക്ഷേപിച്ചു. ആഗസ്റ്റ്-ഒക്ടോബര്‍ കാലയളവില്‍ എസ്.ബി.ഐ മ്യൂച്വല്‍ ഫണ്ട് വഴിയായിരുന്നു നിക്ഷേപം. ഓഹരിവിപണിയില്‍ 5000 കോടി രൂപ നിക്ഷേപം നടത്തുന്നതിന്‍െറ ഭാഗമായാണിത്. ഈമാസം 24ന് നടക്കാനിരിക്കുന്ന യോഗത്തില്‍ ഇ.പി.എഫ്.ഒയുടെ ഉന്നതാധികാര സമിതിയായ സെന്‍ട്രല്‍ ബോര്‍ഡ് ഓഫ് ട്രസ്റ്റീസ് നിക്ഷേപങ്ങള്‍ വിലയിരുത്തും.