മാനഭംഗ ഇരക്ക് ആശുപത്രിയിൽ വീണ്ടും ക്രൂര പീഡനം

ജംഷഡ്പൂർ: പ്രായപൂർത്തിയാകാത്ത മാനഭംഗ ഇരക്ക് ആശുപത്രിയിൽ വീണ്ടും ക്രൂര പീഡനം. ആശുപത്രിയിലെ സെക്യൂരിറ്റി ജീവനക്കാരനാണ് 14കാരിയെ പീഡിപ്പിച്ചത്. സംഭവത്തിൽ എഫ്.ഐ.ആർ രജിസ്റ്റർ ചെയ്തിട്ടുണ്ടെന്നും ഒളിവിൽ പോയ പ്രതിക്കായി തെരച്ചിൽ തുടരുകയാണെന്നും പൊലീസ് അറിയിച്ചു.

രണ്ടുദിവസം മുമ്പ് ജംഷഡ്പൂരിലെ പര്‍സുദിയില്‍ വെച്ചാണ് ഒരാൾ 14-കാരിയെ ആദ്യം ബലാത്സംഗം ചെയ്യുന്നത്. സംഭവത്തില്‍ കേസെടുത്ത പൊലീസ് പ്രതിയെ അറസ്റ്റ് ചെയ്തിരുന്നു. പൊലീസ് തന്നെയാണ് ചികിത്സക്കായി പെണ്‍കുട്ടിയെ  ജംഷഡ്പൂരിലെ എം.ജി.എം ആശുപത്രിയില്‍ എത്തിച്ചത്.