പേരറിവാളന്‍ ഗവര്‍ണര്‍ക്ക് ദയാഹരജി നല്‍കി

ചെന്നൈ: ഭരണഘടനയുടെ 161ാംവകുപ്പ്  പ്രകാരം തന്നെ വിട്ടയക്കണമെന്നഭ്യര്‍ഥിച്ച് രാജീവ് ഗാന്ധി വധക്കേസില്‍ ജീവപര്യന്തം തടവ് അനുഭവിക്കുന്ന എ.ജി. പേരറിവാളന്‍ തമിഴ്നാട് ഗവര്‍ണര്‍ കെ. റോസയ്യക്ക് ദയാഹരജി നല്‍കി. 47 പേജുള്ള ദയാഹരജിക്കൊപ്പം വിവിധ രേഖകള്‍ ഉള്ളടക്കംചെയ്ത സീഡികളുമുണ്ട്. തടവില്‍ കഴിയുന്ന വെല്ലൂര്‍ സെന്‍ട്രല്‍ ജയില്‍ സൂപ്രണ്ടിനാണ് ഹരജി കൈമാറാനായി നല്‍കിയത്. നാല് അഭിഭാഷകരും പേരറിവാളനൊപ്പമുണ്ടായിരുന്നു.