ഹാര്‍ദിക് പട്ടേല്‍ 15 വരെ റിമാന്‍ഡില്‍

അഹ്മദാബാദ്: പട്ടേല്‍ സമുദായത്തിന് സംവരണം വേണമെന്നാവശ്യപ്പെട്ട് പ്രക്ഷോഭത്തിന് നേതൃത്വം നല്‍കിയ ഹാര്‍ദിക് പട്ടേലിനെ മെഹ്സാനയിലെ പ്രാദേശിക കോടതി 15 വരെ പൊലീസ് കസ്റ്റഡിയില്‍ വിട്ടു. കലാപം നടത്താന്‍ ശ്രമിച്ചതിനും അക്രമം നടത്തിയതിനുമാണ് കേസ്. വിസ്നഗറില്‍ ജൂലൈ 23ന് നടന്ന അക്രമസംഭവങ്ങളുടെ പേരിലാണ് ഹാര്‍ദിക് പട്ടേലിനെ അറസ്റ്റ് ചെയ്തത്. ഹാര്‍ദിക്കിനെതിരില്‍ സൂറത്തിലും അഹ്മദാബാദിലും രണ്ട് രാജ്യദ്രോഹ കേസുകളുമുണ്ട്.