നിതീഷ്കുമാറിന് ഷൂ ഏറ്

പട്ന: ബിഹാര്‍ മുഖ്യമന്ത്രി നിതീഷ്കുമാറിനുനേരെ പൊതുപരിപാടിക്കിടെ ഷൂ ഏറ്. നിതീഷിന്‍െറ സ്വന്തംനാടായ പട്നയിലെ ഭക്ത്യാര്‍പുരിലാണ് സംഭവം. ഏറ് മുഖ്യമന്ത്രിക്ക് കൊണ്ടില്ല. വേദിക്കല്‍പം മുന്നിലായാണ് പതിച്ചത്. എന്നാല്‍, സംഭവത്തോട് പ്രതികരിക്കാതെ മുഖ്യമന്ത്രി ചടങ്ങ് തുടര്‍ന്നു.
പി.കെ. റായ് എന്നയാളാണ് ഷൂ എറിഞ്ഞത്. ഇയാളെ അറസ്റ്റ് ചെയ്ത് പൊലീസ് കസ്റ്റഡിയില്‍ ചോദ്യംചെയ്തുവരുകയാണ്.
സമസ്തിപൂരുകാരനായ ഇയാള്‍ തന്‍െറ പരാതിക്ക് പരിഹാരമുണ്ടാകാത്തതില്‍ പ്രകോപിതനായി ഷൂ എറിഞ്ഞതെന്നാണ് സൂചനയെന്ന് പൊലീസ് പറഞ്ഞു.