മുത്തലാഖ്: കോടതിക്ക്​ ഇടപെടാനാവില്ലെന്ന്​ മുസ്​ലിം വ്യക്​തി നിയമ ബോർഡ്​

ന്യൂഡൽഹി: മുത്തലാഖ്​ വിഷയത്തിൽ കോടതിക്ക്​ ഇടപെടാനാവില്ലെന്ന്​ മുസ്​ലിം വ്യക്​തി നിയമ ബോർഡ്​ സുപ്രീം കോടതിയിൽ ബോധിപ്പിച്ചു. സാമൂഹ്യ പരിഷ്​കരണത്തി​​െൻറ പേരിൽ വ്യക്​തി നിയമങ്ങൾ തിരുത്തിയെഴുതാനോ മതസ്വാതന്ത്ര്യത്തിൽ ഇടപെടാനോ സുപ്രീം കോടതിക്ക്​ അധികാരമില്ലെന്നും​ കോടതിയിൽ സമർപ്പിച്ച സത്യവാങ്​മൂലത്തിൽ മുസ്​ലിം വ്യക്​തി നിയമ ബോർഡ്​ വാദിച്ചു.

മുത്തലാഖി​​െൻറ സാധുത തീരുമാനിക്കേണ്ടത്​ സുപ്രീംകോടതിയല്ല. വിവാഹമോചനത്തിൽ ഇസ്​ലാമിൽ അനുവദനീയമായ രൂപമാണ്​ മുത്തലാഖ്​.  ചോദ്യചെയ്യാവുന്ന നിയമങ്ങളുടെ പരിധിയിൽ വിശുദ്ധ വചനങ്ങൾ വരുന്നില്ലെന്ന്​ സത്യവാങ്​മൂലത്തിൽ പറയുന്നു. വിവാഹം, വിവാഹമോചനം, ജീവനാംശം എന്നിവയെല്ലാം ഒരോ മതങ്ങളിലും വ്യത്യസ്തമാണ്​. ഖുർആനിൽ വിവാഹമോചനം അനഭികാമ്യമാണെങ്കിലും അവശ്യ ഘട്ടങ്ങളിൽ അനുവദീനയമാണ്​. ഇസ്​ലാമി​​െൻറ നയമനുസരിച്ച്​ ദമ്പതികൾക്കിടയിൽ പ്രശ്​നങ്ങളുണ്ടാകു​േമ്പാൾ വിവാഹം അസാധുവാക്കുന്നതാണ്​ നല്ലതെന്നും പേഴ്​സനൽ ബോർഡ്​ നൽകിയ സത്യവാങ്​മൂലത്തിൽ പറയുന്നു.

ഭരണ ഘടന ഉറപ്പു നൽകുന്ന മൗലികാവകാശങ്ങളും വ്യക്​തി നിയമങ്ങളും ഏറ്റുമുട്ടുന്ന  ഒരുകൂട്ടം ഹരജികൾ ചീഫ്​ ജസ്​റ്റിസ്​ അധ്യക്ഷനായ ബെഞ്ചി​​െൻറ പരിഗണനയിലാണ്​. ഇൗ കേസിലാണ്​ മുസ്​ലിം വ്യക്​തി നിയമ ബോർഡ്​ സുപ്രീംകോടതിയിൽ സത്യവാങ്​മൂലം നൽകിയത്​.

നേരത്തെയും ചില മുസ്​ലിം സ്​ത്രീകൾ മുത്തലാഖിനെതിരെ കോടതിയെ സമീപിച്ചിട്ടുണ്ട്​. ദുബയിൽ ജോലി​ചെയ്യുന്ന ഭർത്താവ്​ തന്നെ ഫോണിലൂടെ വിവാഹമോചനം​ ചെയ്തതിനെതിരെ യുവതി കോടതിയെ സമീപിക്കുകയും മുത്തലാഖ്​ നിരോധിക്കണമെന്നും ഹർജി നൽകിയിരുന്നു.