വാഹനം മറികടക്കാനായില്ല, ബി.ജെ.പി നേതാവിന്‍റെ മകൻ ബൈക്ക് യാത്രികരെ മർദിച്ചു

റായ്പൂർ: തന്‍റെ എസ്.യു.വി കാറിന് സൈഡ് നൽകാത്തതിന്‍റെ പേരിൽ ബൈക്ക് യാത്രികരെ ബി.ജെ.പി നേതാവിന്‍റെ മകനും സംഘവും മർദിച്ചു. ബൈക്ക് യാത്രികരെ മർദിക്കുന്ന മൊബൈൽ ദൃശ്യങ്ങൾ ബി.ജെ.പി നേതാവ് മന്ദുരാം പവാർ ആണ് സാമൂഹ്യ മാധ്യമങ്ങളിൽ ഷെയർ ചെയ്തത്. ഇദ്ദേഹത്തിന്‍റെ മകൻ നാനു പവാറും സംഘവുമാണ് ബൈക്കിൽ പോവുകയായിരുന്ന രണ്ടുപേരെ മർദിച്ചത്. ആഗസ്റ്റ് 15നായിരുന്നു സംഭവം. എന്നാൽ സംഭവം ഇപ്പോഴാണ് സാമൂഹ്യമാധ്യമങ്ങളിൽ ചർച്ചയായത്.