900 ​​​െഎ ഫോണുകൾ ​മോഷ്​ടിച്ച രണ്ടുപേർ അറസ്​റ്റിൽ

ന്യൂഡൽഹി: രാജ്യ തലസ്​ഥാനത്ത്​ 900 ​െഎ ​േഫാണുകൾ മോഷ്​ടിച്ച കേസിൽ രണ്ടുപേരെ ഡൽഹി പൊലീസ്​ അറസ്​റ്റ്​ ചെയ്​തു. മെഹ്​താബ്​  ആലം(24) അർമാൻ(22) എന്നിവരാണ്​ പിടിയിലായതെന്ന്​​ പൊലീസ്​ ഉദ്യോഗസ്​ഥാനായ ഇഷ്​വർ സിങ്​ അറിയിച്ചു. ഇരുവരും സൗത്​ ഡൽഹിയിലെ മഹിപൽപുരിലിൽ നിന്നും രംങ്ക്​പുരിയിൽ നിന്നുമാണ്​ പിടികൂടിയത്​​​.

കഴിഞ്ഞ സെപ്​തംബർ 13 നായിരുന്നു കേസിനാസ്​പദമായ സംഭവം. 2.25 കോടി വിലമതിക്കുന്ന ​െഎഫോണുമായി വന്ന ട്രക്ക്​ ഇരുവരും കൊള്ളയടിക്കുകയായിരുന്നു. ഒാഖലയിൽ നിന്ന്​ ദ്വാരകയിലേക്കുളള വഴിയിലെത്തിയപ്പോൾ പ്രതികൾ ട്രക്ക്​ തടയുകയും ദ്വാരക റോഡിനടുത്ത്​ ഡ്രൈവറെ ഉപേക്ഷിക്കുകയുമായിരുന്നു.

ഇവരിൽ നിന്നും 900 ​െഎ​േഫാണും കുറ്റകൃത്യം നടത്താൻ ഉപയോഗിച്ച കാറും ക​​ണ്ടെടുത്തു. അന്വേഷണത്തിൽ മുമ്പ്​ ട്രക്ക്​ ഡ്രൈവറായിരുന്ന രണ്ടു​പേരും കേസിൽ ​​പ്രതികളാണെന്ന്​ പൊലീസ്​ കണ്ടെത്തിയിട്ടുണ്ട്​.