വോ​ട്ട്​ അ​വ​കാ​ശം; പ​ണാ​ധി​പ​ത്യ​ത്തി​നെ​തി​രെ സ്​​നേ​ഹ​ക്കൂ​ടാ​രം

വോ​ട്ടു വേ​ണോ, പ​ണം വേ​ണം എ​ന്ന​താ​ണ് മി​ക്ക ത​മി​ഴ്‌​നാ​ട് ഗ്രാ​മ​ങ്ങ​ളി​ലെ​യും ദു​ര​വ​സ്ഥ. അ​തു​കൊ​ണ്ടു ​ത​ന്നെ, മി​ക്ക​പ്പോ​ഴും ജ​നാ​ധി​പ​ത്യ​മ​ല്ല, പ​ണാ​ധി​പ​ത്യ​മാ​ണ് ഇ​വി​ട​ങ്ങ​ളി​ൽ അ​ര​ങ്ങു ത​ക​ർ​ക്കു​ന്ന ​ത്. പാ​ർ​ല​മ​െൻറ്​ തെ​ര​ഞ്ഞെ​ടു​പ്പ്​ പ്ര​ഖ്യാ​പി​ച്ച​ശേ​ഷം, ക​ഴി​ഞ്ഞ ര​ണ്ടാ​ഴ്ച​ക്കി​ടെ ത​മി​ഴ്‌​നാ​ട് ടി​ൽ നിന്ന്​ ആ​കെ 208.55 കോ​ടിയുടെ അനധികൃത പണവും മദ്യവും എ​ൻ​ഫോ​ഴ്‌​സ്‌​മ​െൻറ്​ വി​ഭാ​ഗം പി​ടി​കൂ​ടി​. രാജ്യത് താകെ 1460 കോ​ടി രൂ​പ വി​ല​മ​തി​ക്കു​ന്ന പ​ണ​മോ ല​ഹ​രി​യോ പി​ടി​കൂ​ടി. വോട്ടർമാർക്ക്​പണം വിതരണം ചെയ്യുന്നതിൽ ഏറ്റവും മുന്നിൽ നിൽക്കുന്ന സംസ്​ഥാനങ്ങളിലൊന്നാണ്​ തമിഴ്​നാട്​.

അ​ത്ത​ര​മൊ​രു നാ​ട്ടി​ൽ വോ​ട്ടി​നു പ​ണം വാ​ങ്ങ​രു​തെ​ന്നും വോ​ട്ടു ചെ​യ്യു​ന്ന​ത് ന​മ്മു​ടെ അ​വ​കാ​ശ​മാ​ണെ​ന്നും ഉ​റ​ക്കെ പ്ര​ഖ്യാ​പി​ക്കുകയാണ്​ ഒ​രു​കൂ​ട്ടം പെ​ൺ​കു​ട്ടി​ക​ൾ. തേ​നി ജി​ല്ല​യി​ലെ ആ​ണ്ടി​പ്പെ​ട്ടി​യി​ൽ​നി​ന്നാ​ണ് ഇ​വ​ർ വ​രു​ന്ന​ത്. ‘സ്നേ​ഹ​ക്കൂ​ടാ​രം’ എ​ന്ന സം​ര​ക്ഷ​ണ കേ​ന്ദ്ര​ത്തി​ൽ നി​ന്നു​ള്ള മു​പ്പ​തോ​ളം കു​ട്ടി​ക​ളുടെ സംഘമാണിത്​.

എന്നാൽ, അവർ വെറും കുട്ടികളല്ല. പെ​ണ്ണാ​യ​തു​കൊ​ണ്ട് മാ​ത്രം കൊ​ല്ലപ്പെടാൻ വി​ധി​ക്ക​പ്പെ​ട്ട​വ​ർ! ജ​നി​ച്ച ഉ​ട​നെ ജീ​വ​ന​റു​ക്കാ​ൻ കൈ​മാ​റി​യ​വ​രി​ൽ​നി​ന്നും ര​ക്ഷി​ക്ക​പ്പെ​ട്ട​വ​ർ! ഇ​വ​രാ​ണ്​ ജ​നാ​ധി​പ​ത്യ പ്ര​ക്രി​യ​യെ ശ​ക്തി​പ്പെ​ടു​ത്താ​ൻ വോ​ട്ട​ർ​മാ​ർ​ക്ക് നോ​ട്ടീ​സു​ക​ൾ കൈ​മാ​റി​യും പോ​സ്​​റ്റ​റു​ക​ൾ പ​തി​ച്ചും സ​ജീ​വ​മാ​യി രം​ഗ​ത്തു​വ​ന്നി​രി​ക്കു​ന്ന​ത്.

ഏ​തു പാ​ർ​ട്ടി ഭ​രി​ച്ചാ​ലും പെ​ൺ​കു​ഞ്ഞു​ങ്ങ​ളു​ടെ അ​റു​കൊ​ല​ക​ൾ​ക്ക് ത​മി​ഴ്‌​നാ​ട്ടി​ൽ ഒ​രു കു​റ​വു​മി​ല്ല. ആ​ചാ​ര​ത്തി​​െൻറ മ​റ​വി​ൽ കൊ​ല്ല​പ്പെ​ടു​ന്ന നി​ര​വ​ധി പെ​ൺ​കു​ട്ടി​ക​ൾ ഇ​ന്നും ഇ​വി​ടെ​യു​ണ്ട്. ഇ​വ​ർ ഗ്രാ​മ​ങ്ങ​ളി​ലൂ​ടെ വീ​ടു​ക​ളി​ലും ക​ട​ക​ളി​ലും ക​യ​റി​യി​റ​ങ്ങു​ന്നു. തേ​നി ഭ​ര​ണ​കൂ​ട​ത്തി​​െൻറ സ​ഹാ​യ സ​ഹ​ക​ര​ണ​വും നി​ർ​ദേ​ശ​വും ഈ ​പ്ര​ചാ​ര​ണ​ത്തി​നു​ണ്ടെ​ന്ന്​ സ്നേ​ഹ​ക്കൂ​ടാ​ര​ത്തി​​െൻറ ന​ട​ത്തി​പ്പു​കാ​ര​നാ​യ സു​നി​ൽ പ​റ​യു​ന്നു.

സു​നി​ലി​​െൻറ മ​ക​ൾ ജോ​സ്ഫി​ൻ എ​ന്ന ഏ​ഴു വ​യ​സ്സു​കാ​രി​യാ​ണ് സം​ഘ​ത്തി​ലെ ഏ​റ്റ​വും പ്രാ​യം കു​റ​ഞ്ഞ​ കുട്ടി. ഏ​റ്റ​വും പ്രാ​യം കൂ​ടി​യ​ത്​ 17കാ​രി​യാ​യ മ​നീ​ഷ​യും. സു​നി​ലും ഭാ​ര്യ ഡെ​യ്സി​യും പ്ര​ചാ​ര​ണ സം​ഘ​ത്തി​നൊ​പ്പം ഗ്രാ​മ​ങ്ങ​ളി​ൽ പോ​കും.

സ്‌​കൂ​ളി​ൽ പോ​കേ​ണ്ട​തി​നാ​ൽ എ​ന്നും രാ​വി​ലെ​യും വൈ​കു​ന്നേ​ര​വു​മാ​ണ് പ്ര​ചാ​ര​ണം. ക​ഴി​ഞ്ഞ 15 വ​ർ​ഷ​മാ​യി എ​ല്ലാ നി​യ​മ​സ​ഭ, പാ​ർ​ല​മ​െൻറ്, ത​ദ്ദേ​ശ സ്വ​യം​ഭ​ര​ണ സ്ഥാ​പ​ന തെ​ര​ഞ്ഞെ​ടു​പ്പു​ക​ളി​ലും സ്നേ​ഹ​ക്കൂ​ടാ​ര​ത്തി​ലെ പെ​ൺ​കു​ട്ടി​ക​ൾ പ്ര​ചാ​ര​ണം ന​ട​ത്തി​വ​രു​ന്നു.

മു​തി​ർ​ന്ന​വ​രാ​ണ് ഈ ​പ്ര​ചാ​ര​ണം ന​ട​ത്തു​ന്ന​തെ​ങ്കി​ൽ ഇ​ത് വി​ഫ​ല​മാ​കു​മെ​ന്നു ഭ​ര​ണ​കൂ​ട​ത്തി​നും അ​റി​യാം. ഈ ​തെ​ര​ഞ്ഞെ​ടു​പ്പ് ക​ഴി​യും വ​രെ ക​ന​ത്ത ചൂ​ടി​നെ വ​ക​വെ​ക്കാ​തെ പെ​ൺ​കു​ട്ടി​ക​ൾ പ്ര​ചാ​ര​ണം ന​ട​ത്തും. സ്വ​യം നി​ർ​ണ​യാ​വ​കാ​ശം, ജ​നാ​ധി​പ​ത്യ ബോ​ധം എ​ന്നി​വ ഈ ​പെ​ൺ​കു​ട്ടി​ക​ൾ​ക്ക​ല്ലാ​തെ മ​റ്റാ​ർ​ക്കാ​ണ് ന​ന്നാ​യി മ​ന​സ്സി​ലാ​വു​ക!