മദ്യപാനം: ഗുജറാത്തിൽ ​ 21 സ്​ത്രീകളെ അറസ്​റ്റ്​ ചെയ്​തു

സൂറത്ത്: ഗുജറാത്തിൽ മദ്യപിച്ചുവെന്ന സംശയത്തെ തുടർന്ന്​ 21 സ്​ത്രീകളെ അറസ്​റ്റ്​ ചെയ്​തു. നഗരത്തിലെ ഹോട്ടലിൽ നടന്ന പാർട്ടിക്കിടെ മദ്യപിച്ചുവെന്ന സംശയത്തെ തുടർന്നാണ്​ സ്​ത്രീകളെ അറസ്​റ്റ്​ ചെയ്​തത്​.

രഹസ്യവിവരത്തെ തുടർന്ന്​ പിപ്​ലോഡ്​ മേഖലയിലെ ഹോട്ടലിൽ നടത്തിയ റെയ്​ഡിലാണ്​ ഇവർ പിടിയിലായത്​. ഹോട്ടലിൽ നിന്ന്​ ഒഴിഞ്ഞ​ മദ്യകുപ്പികൾ കണ്ടെത്തിയിട്ടുണ്ട്​.

തുടർന്ന്​ ഇവരെ ആശുപത്രിയിൽ രക്​ത പരിശോധനക്ക്​ വിധേയരാക്കി. കോടതിയിൽ ഹാജരാക്കിയ വനിതകളെ ജാമ്യത്തിൽ വിട്ടു. നേരത്തെ ആറ്​ യുവതികളെയും എട്ട്​ പുരുഷൻമാരെയും മദ്യം ഉപയോഗിച്ചതിന്​​ അറസ്​റ്റ്​ ചെയ്​തിരുന്നു. മദ്യം നിർമിക്കുന്നതും സൂക്ഷിക്കുന്നതും വിൽപന നടത്തുന്നതും ഉപയോഗിക്കുന്നതും ഗുജറാത്തിൽ നിയമം മൂലം നിരോധിച്ചിട്ടുണ്ട്​.