തമിഴ്​നാട്ടിൽ 220കോടിയുടെ കള്ളപ്പണം പിടിച്ചെടുത്തു

ചെന്നൈ: തമിഴ്​നാട്ടിൽ ആദായനികുതി വകുപ്പ്​ നടത്തിയ റെയ്​ഡിൽ 220 കോടിയുടെ അനധികൃത സമ്പാദ്യം​ പിടിച്ചെടുത്തു. ടൈൽസും സാനിട്ടറിവെയറുകളും നിർമിക്കുന്ന കമ്പനിയിലാണ്​ റെയ്​ഡ്​ നടത്തിയത്​.

ഫെബ്രുവരി 26ന്​ തമിഴ്​നാട്​, ഗുജറാത്ത്​, കൊൽക്കത്ത എന്നിവിടങ്ങളിലെ 20 ഓളം ഇടങ്ങളിലായിരുന്നു പരിശോധന​. 8.30 കോടി രൂപയും ക​ണ്ടെടുത്തവയിൽ ഉൾപ്പെടും. 220കോടിയുടെ ഉറവിടം വ്യക്തമല്ല.

ദക്ഷിണേന്ത്യയിലെ പ്രമുഖ ടൈൽസ്​ നിർമാണ കമ്പനിയിലായിരുന്നു പരിശോധന. ഇവയുടെ ഉറവിടം വ്യക്തമാക്കാൻ ഉടമകൾക്ക്​ സാധിച്ചിട്ടില്ല.

തമിഴ്​നാട്ടിൽ തെരഞ്ഞെടുപ്പിനോട്​ അനുബന്ധിച്ച്​ ആദായനികുതി വകുപ്പ്​ കനത്ത നിരീക്ഷണത്തിലാണ്​. വോട്ടർമാരെ സ്വാധീനിക്കാൻ പണം ഒഴുക്കുന്നത്​ തടയുന്നതിനായാണ്​ ഇത്​. ഏപ്രിൽ ആറിന്​ ഒറ്റഘട്ടമായാണ്​ തമിഴ്​നാട്ടിലും പു​തുച്ചേരിയിലും തെരഞ്ഞെടുപ്പ്​.